Guy Krneta
Dr Guy Krneta (* 24. Meerz 1964 z Bärn) isch e Schwyzer Biinenautoor un Schriftsteller.
Lääbe
[ändere | Quälltäxt bearbeite]Scho uf em Gimnasium het dr Guy Krneta aafange Täxt un Lieder schryybe. Är het z Wien Theaterwisseschaft un z Bärn Mediziin studiert. Ab 1986 het dr Krneta am Stadttheater Bärn un am Theater Baasel as Reschyassischtänt gschafft. E Zyt lang isch er stellverdrättende Laiter vum Theaterfeschtiwäl AUAWIRLEBEN gsii, voreb er as Dramatuurg zeerscht uf Esslenga an di deertig Wiitebäärgisch Landesbiini un speeter ans Staatstheater Braunschweig gangen isch. Wun er retuur chuu isch in d Schwyz, het er e segsmoonetigi Haft wäge Dienschtverwaigerig abghockt[1], voreb er Co-Laiter vum Theaters Tuchlaube z Aarau wooren isch un as Dramatuurg am deertige freie Theater Marie aagfange het.[2]
Dr Guy Krneta isch Mitgliid vu dr Autooregruppe Bern ist überall un stoot vyyl as Spoken-Word-Autoor uf dr Biini. Är schrybt uf Hoochdytsch un uf Schwyzerdytsch. Är gheert zue dääne Spoken-Word-Autoore, wu ere modäärne schwyzerdytsche Dialäktliteratuur wider Ufdriib gee hän. Derzue duet si dr Krneta kultuurbolitisch engaschiere, het unter anderem s Schwyzerisch Literatuurinschtitut z Biel iniziiert un isch Grindigsmitgliid vum Chinschtlernetzwäärch Kunst + Politik.[2][3]
Dr Guy Krneta isch ghyroote mit dr Reschiseeri Ursina Greuel, läbt z Baasel un het vier Chinder.
Uusglääseni Wäärch
[ändere | Quälltäxt bearbeite]Theaterstugg
[ändere | Quälltäxt bearbeite]- 1987: Legende vom Dolchstoss (Uruffierig: Blechtheater Bärn)
- 1989: Till Eulenspiegel (Uruffierig: Stadttheater Bärn)
- 1990: Niemals vergessen (Uruffierig Blechtheater Bärn)
- 1992: Der Faulpelz Paul Felz (Uruffierig: Wiirtebäärgischi Landesbiini Esslenga)
- 1994: Die Pferde stehen bereit (Uruffierig: Club 111 Bärn)
- 1998: Zwöi im Mai (Uruffierig: Club 111 Bärn)
- 2000: Schönweid (Uruffierig: Tuchlaube Aarau)
- 2003: Zmittst im Giätt uss (Uruffierig: Schlachthuus Theater Bärn)
- 2004: Das Leben ist viel zu kurz, um offene Weine zu trinken (Uruffierig: Schlachthuus Theater Bärn)
- 2004: E Summer lang, Irina (Uruffierig: Theater Baasel)
- 2006: E Schtau vou Reh (Uruffierig: Theater Baasel)
- 2009: Aktion Duback (Uruffierig: Theater am Nöimärt Züri)
Schrifte
[ändere | Quälltäxt bearbeite]- 2007: Buumes, Verlag Der gesunde Menschenversand, Luzern, ISBN 978-3-905825-04-6
- 2009: Mittelland, Verlag Der gesunde Menschenversand, Luzern, ISBN 978-3-905825-13-8
- 2014: Unger üs, Verlag Der gesunde Menschenversand, Luzern, ISBN 978-3-905825-90-9
- 2015: rosa loui, Verlag Der gesunde Menschenversand, Luzern, ISBN 978-3-03853-017-6
Uusglääseni Uuszaichnige
[ändere | Quälltäxt bearbeite]- 1990: Bryys vu dr Stiftig fir d Feerderig vu dr Bärnische Mundartdramaatik
- 1996: Dytsche Juugedtheaterbryys – „Lobende Erwähnung“ fir Ursel
- 1997: Buechbryys vu dr Stadt Bärn
- 2003: Welti-Bryys
- 2010: Literatuurbryys vum Kanton Bärn
- 2012: Prix Suisseculture
- 2015: Schwyzer Literatuurbryys fir Unger üs
Weblink
[ändere | Quälltäxt bearbeite]- Literatur vu un iber Guy Krneta im Katalog vu dr Dütsche Nazionalbibliothek
- Yytrag über Guy Krneta im Lexikon vom Verein Autorinnen und Autoren der Schweiz
- Guy Krneta. Biografy un Bibliografy uf Viceversa Literatur
- Guy Krneta im gmainsaame Kateloog vu dr Hoochschuelbiblioteeke z Baasel un z Bärn un dr Schwyzerische Nazionaalbiblioteek
Fueßnote
[ändere | Quälltäxt bearbeite]- ↑ WOZ - die Wochenzeitung (Hrsg.): Durch den Monat mit Schriftsteller Guy Krneta (2): Haben Sie Ihren Militärdienst verweigert? 7. Februar 2012 (woz.ch [abgerufen am 20. Mai 2017]).
- ↑ 2,0 2,1 Biografy bi bibliomedia.ch
- ↑ Biografy bi literapedia-bern.ch
|
Dä Artikel basiert uff ere fräie Übersetzig vu dere Version vum Artikel „Guy_Krneta“ vu de dütsche Wikipedia. E Liste vu de Autore un Versione isch do z finde. |