Gwandschniider

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Gwandschniider, au Wandschniider, si Kauflüt im Middelalter gsi, wo mit Duech vo uswärts ghandlet häi. Iiri Handelswaare si zerst us dr Toskana, us de Niiderland und Flandere choo, spööter au us Schwoobe, Aache oder Ängland.

D Westfassaade vom Gwandhuus z Braunschweig

Si häi d Waar as Balle oder im "Usschnitt" verkauft. S Rächt zum Usschnitt, also Duech z verschniide und eso z verkaufe, het vilmol zu Händel mit de Kröömer, de Wääber und de Schniider gfüert. D Gwandschniider häi iiri Briis sälber chönne festleege und si eso scho früe riich worde und häi sich mit de Patrizier verbandlet. In e hufe dütsche Stedt si si im Root gsässe und häi eso an politischem Iifluss gwunne. D Wandschniider si im Middelalter in Gilde und Zümft organisiert gsi und d Gilde vo de Wandschniider het mäistens au Rootsmitgliider gstellt.

In de verschiidene Stedt[ändere | Quälltäxt bearbeite]

Z Hamburg, Dortmund und Lübeck si Wandschniider as bürgerligi Mitgliider vom Root verbürgt.

D Gwandschniider, wo in dr dr Altstadt vo Braunschweig aasäässig gsi si, häi en äigeni Gilde gründet, d Gwandschniider vo de andere Stadtdäil häi sich dr Gilde vo de Liinduechmacher aagschlosse. Vom Aasee und Riichdum vo de Braunschweiger Gwandschniider, wo die vornäämsti und eltiste Gilde in dr Stadt gsi si, zügt s Gwandhuus, wo si in dr Altstadt im 13. und 14. Joorhundert baut häi.

Z Baasel häi d Gwandschniider kä äigeni Zumft ghaa. Si si mäistens zum «Schlüssel» zümftig gsi oder zu «Safre». Si häi aber äinewääg e starki politischi Posizioon gha, im früeje 16. Joorhundert zum Bischbil si d Brüeder Adelbärg und Bärnhard Meyer zum Pfiil vo 1521 bis 1558 äine noch em andere siibenedrissig Joor lang Bürgermäister z Baasel gsi.

Litratuur[ändere | Quälltäxt bearbeite]

  • Industrie- und Handelskammer Braunschweig (Hrsg.): Das Gewandhaus zu Braunschweig. Vom „Kophus der Wandtsnidere der Altstadt“ zur „Industrie- und Handelskammer Braunschweig“, Braunschweig o. J. (um 1933)
  • Günter Jahn: Der Altstadtmarkt in Braunschweig. Geschichte und Geschichten, (= Stadtarchiv und Stadtbibliothek Braunschweig. Kleine Schriften; Band 18), Braunschweig 1988
  • E. Kober: Die Anfänge des deutschen Wollgewerbes, 1908
  • Werner Spieß: Geschichte der Stadt Braunschweig im Nachmittelalter, Braunschweig 1966
  • M. Stöven: Der Gewandschnitt in den deutschen Städten des Mittelalters, 1915
Information icon.svg Dä Artikel basiert uff ere fräie Übersetzig vum Artikel „Gewandschneider“ vu de dütsche Wikipedia.

E Liste vu de Autore un Versione isch do z finde.