Gent

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Züritüütsch
Gent
Wapen van Gent.svg Vlag van Gent.svg
Gent (Provinz Ostflandern)
Gent
Gent
Staat Belgie
Region Flandern
Browinz Ostflandern
Bezirk Gent
Koordinate 51° 3′ N, 3° 42′ OKoordinate: 51° 3′ N, 3° 42′ O
Flechi 157,74 km²
Iiwooner (Stand) 262.219 Iiw. (1. Jan. 2019)
Bevölkerigsdichdi 1662 Iiw./km²
Vorwaal 09
Bürgermäister Mathias De Clercq (Open Vld)
Website www.stad.gent

lblelslhlpla

Gent (niderländisch [ɣɛnt], [ʝɛnt], französisch Gand [gɑ̃]) isch e Stadt i de Regioon Flandere z Belgie und isch d Hauptstadt vo de Provinz Oschtflandere. Wä-mer e Stadt as Verwaltigsäinhäit gseet (was ja gwöndli de Fall isch), isch Gent nach Antwerpen di zwäitgrööscht Stadt im Land, wil Brüssel us ere ganze Räie Gmäinde zämegsetzt isch.

Gschicht[ändere | Quälltäxt bearbeite]

D Aafäng vo Gent sind keltischi und früegermaanischi Sidligen am Zämefluss vo de Schelde und de Leie gsy. Im Mittelalter isch das Oort tank em Tuechhandel und em Flachs- und Lynegwäärb zu äinere vo de grööschten und wichtigschte Stedt vo Europa woorde. Wil di niderländisch Reformazioon vo de Spanier zämetätscht woorden isch, isch es dänn lengeri Zyt wirtschaftlich bäärgab ggange, bis Gent uusgänds 18. Jaarhundert as e früe-induschtrialisierti Stadt wider wichtig woorden isch.

Wiirtschaft[ändere | Quälltäxt bearbeite]

De Hafe vo Gent isch über de Zeekanal Gent–Terneuzen mit de Nordsee verbunde; 2015 sind deet Güeter umgschlage woorde, wo 46,5 Millioone Tone schwäär sind. Wichtig isch au d Bluemezucht rund um d Stadt ume. Und wil s e Stadt mit vil Gschicht und vilen alte Hüüser isch, läbt si au starch vom Turismus. En groosse Täil vo de mittelalterlichen und früenöizytliche Boute stönd au hüt na – Gent hät über 9800 hischtoorischi, zmäischt tänkmaalgschützti Boute, und de Belfried ghöört – zäme mit andere Türm z Belgien und z Nordfrankrych – zum UNESCO-Wälteerb. S isch daademit e groossi Konkuränz für d Naachberstadt Brügge, wo aber na bikannter isch für syni guet erhalten Altstadt.

Bilder[ändere | Quälltäxt bearbeite]

de Blick vom Belfried uf d Katedrale
D Graslei mit Zoufthüüser