Zum Inhalt springen

Gaitana

Us der alemannische Wikipedia, der freie Dialäkt-Enzyklopedy
D’ Gaitana ànna 2006
Dialäkt: Mìlhüüserdiitsch

D’ Gaitana (ukràinisch Гайтана, ìn làtiinischer Schrìft Hajtana, bìrgerlig Hajta-Lurdes Essami, ukr.: Гайта-Лурдес Ессамі; * 29. Septamber 1979 z’ Kiew) ìsch a ukràinischa Popsangera. Ìhra Müüsik ìsch àui mìt Jazz-, Funk-, Soul- un Folk-Elemanter gepräägt. Mìt ìhrem Liad Be My Guest hàt d’ Gaitana d’ Ukràina biim Eurovision Song Contest 2012 vertratta. Doo ìsch sa àn dr Finààla uff Plàtz 15 ànakumma.

ìhra Kìndhait un Jugendsjoohra

[ändere | Quälltäxt bearbeite]

D’ Hajta-Lurdes Essami-n-ìsch ànna 1970 ìn dr ukràinischa Hàuiptschtàdt Kiew uff d’ Walt kumma. Ìhra Müatter Tatiana Petrova ìsch Ukràinera, ìhr Vàtter Klaver Essami schtàmmt vu dr Repüblik Kongo.[1][2][3] Àls Kìnd hàt sa mìt ìhrer Fàmìlia d’ Ukràina fàraloo un ìsch uff Brazzaville gànga ge laawa — ’s ìsch d’ Haimetschtàdt vun ìhrem Vàtter. Doo ìsch d’ Fàmìlia fìmf Joohra làng blììwa. Ànna 1985 ìsch d’ Essami zamma mìt ìhrer Müatter ìn d’ Ukràina z’ruckkumma. Àm Ààfàng hàt d’ Essami numma Frànzeesch un Lingala kännt, àwwer noh-n-ìhrem Ruckkehr ìn d’ Ukràina hàt sa Ukràinisch un Rüssisch glarnt. Ìn dr Essami ìhr Vàtter ìsch z’ Brazzaville blììwa, wu-n-’r a Transchportgsällschàft glaita hàt. D’ Essami kännt ìhr Vàtter nìt güat.[4]

Z’ Kiew ìsch d’ Essami ìn a Müüsikschüal gànga. Doo hàt sa glarnt Saxofon schpììla. Schpeeter hàt sa Wìrtschàftswìssaschàft gschtudiart. Sitter ìhra Jugendsjoohra hàt d’ Essami Tìschtennis gschpììlt un hàt mehrera Medàlia bikumma. Ànna 1991 hàt sa àm Kìnder-Müüsikwättbewarb Fantasy Lotto Nadiya mìtgmàcht un ìsch doo uff Plàtz 3 ànakumma. Noh-n-em Wättbewarb hàt sa ìn’ra Kìndergrupp gsunga, wo dr Wolodymyr Bystryakow glaita hàt.[5] Ìn dr Sowjetunion ìsch d’ R&B-Müüsik nìt verbraita gsìì, àlso hàt d’ Essami ìn ìhra Jugendsjoohra ìn Untergrund-Müüsikklubbs üsslandischa Liader gloost.[5]

ìhra Müüsikkàrriar

[ändere | Quälltäxt bearbeite]

Ìhra Müüsikkàrriar hàt d’ Gaitana ànna 2003 mìt ìhrem Debü-Schtüdioàlbum O tebe ààgfànga. Ìm Làuif vun ìhrer Kàrriar hàt sa sììwa wittera-n-Àlba veräffentligt: Slidom za toboyu (2005), Kapli dozhdya (2007), Kukabarra (2008), Taynyye zhelaniya (2008), Tolko segodnya (2010), Viva, Europe! (2012) un Voodooman (2014). Sa sìngt uff Rüssisch, Ukràinisch un Anglisch. Noh-n-em Àmtsiifiahrung vum Barack Obama àls US-Presidànt ànna 2009 hàt d’ Gaitana àn’ma Tànzoowa z’ Kiew gsunga, fìr ìhm ehra.[5]

Ìm Janner 2012 ìsch d’ Gaitana gwählt worra, fìr àm Wättbewarb Evrobachennya 2012 mìtmàcha — dàs ìsch d’ ukràinischa Nàzionààlfinààla fìr dr Eurovision Song Contest 2012. Doo hàt sa mìt ìhrem Liad Be My Guest[6] dr Wättbewarb gwunna — dr Jury hàt sìe àls Äärschta un s’ ukràinischa Publikum àls Zwaita gwählt.[7] Noh-n-ìhrem Siig ìm Wättbewarb ìsch sa waaga-n-ìhrer Hüütfàrb vun ukràinischa Rachtsextremischta belaidigt worra.[5] Trotzdam hàt sa d’ Ukràina àm Eurovision Song Contest z’ Baku vertratta — doo ìsch sa d’ äärschta afro-ukràinischa Tailnammera gsìì. Àn dr zwaita Hàlbfinààla-n-àm 24. Mai 2012 ìsch sa uff Plàtz 8 ànakumma un hàt sìch àlso fìr d’ Finààla kwàlifiziart. Àn dr Finààla-n-àm 26. Mai ìsch sa mìt 65 Punkta-n-uff Plàtz 15 ànakumma.[8][9]

ìhra Diskogràfii

[ändere | Quälltäxt bearbeite]

Àlba

[ändere | Quälltäxt bearbeite]
  • 2003 - О тебе (Gaitana and Unity) - About You
  • 2005 - Слідом за тобою - Following You
  • 2007 - Капли дождя - Raindrops
  • 2008 - Kукaбaррa - Kukabarra
  • 2008 - Тайные желания - Secret Desires
  • 2010 - Только сегодня - Only Today
  • 2012 - Viva, Europe!
  • 2014 – Voodooman

Sìnggels

[ändere | Quälltäxt bearbeite]
  • 2006 - "Двa вікна" - Two Windows
  • 2007 - "Шaленій" - Go Crazy
  • 2009 - "Нещодавно" (Gaitana un Stas Konkin) - Lately
  • 2012 - "Be My Guest"
  • 2013 - "Aliens"
  • 2014 - "Galaxy"
  • 2020 - "A Paper Plane" (By Aryan King)[10][11]

Weblìnks

[ändere | Quälltäxt bearbeite]
 Commons: Gaitana – Sammlig vo Multimediadateie

Ainzelnoohwiisa

[ändere | Quälltäxt bearbeite]
  1. ↑ Racist comments about Gaitana stir controversy, anger. In: Kyiv Post. 24. Februar 2012, archiviert vom Original am 28. Februar 2023; abgruefen am 1. März 2023 (änglisch).
  2. ↑ ГАЙТАНА: "ХОРОШЕЕ НАСТРОЕНИЕ - ЭТО СВОЕГО РОДА ПРИВЫЧКА..." (Nicht mehr online verfügbar.) Archiviert vom Original am 6. Februar 2015; abgruefen am 1. März 2023 (russisch).
  3. ↑ Гайтана уехала жить к отцу в Конго… (ФОТО). In: STARS @ GLAVRED. Archiviert vom Original am 6. Februar 2015; abgruefen am 1. März 2023.
  4. ↑ Гайтана. In: uajazz.com. 3. Januar 2008, archiviert vom Original am 8. April 2013; abgruefen am 1. März 2023 (russisch).
  5. ↑ 5,0 5,1 5,2 5,3 William Lee Adams: Ukraine’s Eurovision Selection Marred by Right-Wing Racism. In: Time. 5. März 2012, archiviert vom Original am 21. Dezember 2022; abgruefen am 1. März 2023 (änglisch).
  6. ↑ Olena Omelyanchuk: Ukraine: 22 candidates in the national final. (Nicht mehr online verfügbar.) In: Eurovision.tv. 26. Januar 2012, ehemals im Original; abgruefen am 1. März 2023 (änglisch). (Site cha nüme abgrüeft wärde; Suche im Webarchiv)[1] [2] Vorlage:Toter Link/www.eurovision.tv
  7. ↑ Olena Omelyanchuk: Ukraine: Gaitana is the Ukrainian guest in Baku. (Nicht mehr online verfügbar.) In: Eurovision.tv. 18. Februar 2012, ehemals im Original; abgruefen am 1. März 2023 (änglisch). (Site cha nüme abgrüeft wärde; Suche im Webarchiv)[3] [4] Vorlage:Toter Link/www.eurovision.tv
  8. ↑ Scoreboard: Eurovision Song Contest 2012 Semi-Final 2. European Broadcasting Union, 27. Mai 2012, archiviert vom Original am 18. Mai 2012; abgruefen am 1. März 2023 (änglisch).
  9. ↑ Scoreboard: Eurovision Song Contest 2012 Final. (Nicht mehr online verfügbar.) European Broadcasting Union, 27. Mai 2012, archiviert vom Original am 22. Januar 2013; abgruefen am 1. März 2023.
  10. ↑ Prominent Ukrainian singer Gaytana and the UN Refugee Agency present a new song and music video for the World Refugee Day 2020. Archiviert vom Original am 17. November 2022; abgruefen am 1. März 2023 (änglisch).
  11. ↑ Ukrainian singer Gaitana and UNHCR present a new song "Paper Plane" and video for World Refugee Day uf YouTube
Dä Artikel basiert uff ere fräie Übersetzig vu dere Version vum Artikel „Gaitana_(singer)“ vu de änglische Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Gaitana&oldid=1043347"