Friedrich Wilhelm Zachow

Us der alemannische Wikipedia, der freie Dialäkt-Enzyklopedy
D Gedänkdaafele für e Komponist Friedrich Wilhelm Zachow an dr Määrtchille Unser Lieben Frauen z Halle (Saale).

Dr Friedrich Wilhelm Zachow oder Zachau (dauft am 14. Novämber 1663 z Leipzig; † 7. August 1712 z Halle) isch e dütsche Komponist im Barock gsi.

Zu sine Schüeler häi dr Georg Friedrich Händel, dr Gottfried Kirchhoff, dr Johann Krieger und dr Johann Gotthilf Ziegler ghöört.

Häärkumft[ändere | Quälltäxt bearbeite]

Dr Zachow isch dr ersti Soon vom Leipziger Giiger Heinrich Zachow gsi, wo ursprünglig us Cölln an dr Spree gstammt het und vo 1676 Stadtpfifer z Eilenburg gsi isch, und däm siner zwäite Frau Elisabeth geb. Maune, ere Dochder vom Stadtpfifer vo Halle Gottfried Maune. Dr Zachow isch in dr Nikolaichille z Leipzig dauft worde.

Usbildig[ändere | Quälltäxt bearbeite]

Noch em Johann Gottfried Walther sim Musicalisches Lexikon het dr Zachow näbe dr Schuel Organist und Pfifer gleert. Er isch uf äini vo de bäide Leipziger Latiinschuele gange, woorschinlig uf d Thomasschuel. Wo si Vater z Eileburg Stadtpfifer worde isch, het dr Zachow Orgleunderricht bim Eileburger Organist Johann Hildebrandt überchoo. Dr Kantor Johann Schelle (vo 1677 aa Thomaskantor z Leipzig) und dr Basilius Petritz (vo 1694 bis 1713 Kantor vo dr Dresdner Chrüzchille häi en aagregt.

Karriere[ändere | Quälltäxt bearbeite]

1675 het dr Heinrich Zachow e Boste as Stadtpfifer z Eileburg an dr Mulde aagnoo und het, wie mä s denn in dr Zumft gmacht het, meereri Leerling fümf Joor lanf in dr Musizierkunst usbildet. Si Soon Friedrich Wilhelm het von em verschideni Stadtpfiferinstrumänt gleert (wie zum Bischbil Drumbeete, Zinck, Discant, Kweerpfife, Dulcian, Quart posuune, Kornett und Fagott)[1].
Dr Friedrich Wilhelm Zachow isch am 11. August 1684 dr Noochfolger vom Samuel Ebart worde, wo gstorbe isch, as Organist vo dr Mariechille z Halle. Das isch s bedütendsti musikalischi Amt z Halle gsi. Er het au d Chillemusike mit em hallische Stadtchoor und de Stadtmusikante gläitet und d Diräkzioon vom stedtische Chorus musicus übernoo.

Sine Schüeler, wie zum Bischbil em Georg Friedrich Händel het dr Zachow Underricht in Komposizioon gee und au uf em clavier (gmäint si Dasteninstrumänt).

Brivaats[ändere | Quälltäxt bearbeite]

Dr Zachow isch sit em 24. Oktober 1693 mit dr Maria Dorothea Anschütz, ere Dochder vom Eileburger Stadtrichter und Bürgermäister Georg Anschütz, verhürootet gsi und het mit ere drei Söön und zwäi Döchder ghaa.

Wärk (Uswaal)[ändere | Quälltäxt bearbeite]

Litratuur[ändere | Quälltäxt bearbeite]

  • Max SeiffertZachau. In: Allgemeine Deutsche Biographie (ADB). Band 44, Duncker & Humblot, Leipzig 1898, S. 657 f.

CD[ändere | Quälltäxt bearbeite]

  • Christmas cantatas. Meine Seel: erhebt den Herren; Herr, wenn ich nur dich habe; Preiset mit mir den Herren; Lobe den Herrn, meine Seele Constanze Backes, Capella Frisiae & Accademia Amsterdam, dir. Ludger Remy. Quintone.nl 2010
  • Friedrich Wilhelm Zachow: Kantaten "Ich bin die Auferstehung und das Leben", "Bei Gott ist mein Heil" auf der CD "Triumph, ihr Christen seid erfreut" von Cantus Thuringia und Capella, Leitung: Bernhard Klapprott, Label: cpo, Audio CD 2011

Weblingg[ändere | Quälltäxt bearbeite]

Fuessnoote[ändere | Quälltäxt bearbeite]

  1. buergerstiftung-halle.de abgrüeft am 16. Juni 2011
Dä Artikel basiert uff ere fräie Übersetzig vum Artikel „Friedrich_Wilhelm_Zachow“ vu de dütsche Wikipedia. E Liste vu de Autore un Versione isch do z finde.