Friedrich Widmann

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Dialäkt: Schwäbisch
Friedrich Widmann

Friedrich Alexander Napoleon Widmann (* 10. Dezember 1805 en Buacha, Oberschwaben; † 8. Juni 1876 en Eglofs, Württemberg) war a deidschr Jurist ond Domänendirektor.

Läba[ändere | Quälltäxt bearbeite]

Vom 10. November 1825 aa hod dr Widmann Rechtswissenschaft an dr Eberhard Karls Universitet Dibenga schdudierd. Er isch Midglied vom a erloschene Corps en Dibenga, em Corps Allemannia I worra. Des isch abr em gleicha Moned ufglösd worra.[1] R hod noo s Corps Rhenania Tübingen grendad. En dem isch r zom aischda Senior (Airschdr vo ara Studentenverbinduong) gwähld worra.[2] Weil r 2,10 m groaß war, war a guadr Mensura-Fechdr. Nach em Exama hend s en mid emma schööna Comitat (Abschied) vrabschieded ond bis Raodeburg brochd.

1829 war r als a Referendar wiedr en Dibenga, drnoch Aktuar ond Notar bei de Fürstlich Thurn ond Taxischen Amtsgrichden en Schär ond Obermaachtel. Ab em End 1836 hod r als Rentmeister fir d Herrschafd Waldburgisch-Zeil gschaffd ond isch Fürstlich Zeilscher Amtmann (Bezirksamtmann) vom Amt Ober-Zeil (später Doil vom Oberamt Leikirch gworra.[3] ond Domänendirekdr en Zeil. Zom End vo de 1850er Johr isch r als Domänadirekdor vom Fürschd Alfred I. zu Windisch-Graetz nach Eglofs ibergsiedeld. Drneba isch r a jurisdischr Rod vom Fürschda Constantin von Waldburg-Zeil blieba. Dr Fürschd Waldburg-Zeil war Midglied vom Corps Rhenania Freiburg. D Rhenania Dibenga hod em Widmann 1848 a Ehraband vrlieha.

Vrheiroded war er en erschder Eh (1837) mid Anna Josefa geb. v. Boscher, dr Schwester vo seim Corpsbruder Anton v. Boscher, en zweiter Ehe (1862) mid dr Creszentia geb. Bentele. Aus boide Ehe hod r fenf Döchter ond zwoi Sööh ghed, von denen dr oi 1865 a Pfarre worra isch, der ander 1875 als Nochfolgr em Amt vo seim Vatddr gschdorba isch.[4] Sei gschwischtrichs Kend Karl Widmann († 1875) war a Tübser Rhenane ond em Corps Suevia Heidelberg, a 'Heidelberger Schwob'.[5]

Einzelnachweise[ändere | Quälltäxt bearbeite]

  1. Kösener Corpslisten 1910, 191, 18; do fälschlich als „Widmann, Karl“
  2. Kösener Corpslisten 1930, 129, 1
  3. Staatshandbuch für Württemberg 1847, S. 454, Online
  4. Rainer Assmann: Widmann. 'Verein für corpsstudentische Geschichtsforschung, Bd. 25 (1980)
  5. Kösener Corpslisten 1930, 129, 13; 72, 232
Information icon.svg Dä Artikel basiert uff ere fräie Übersetzig vum Artikel „Friedrich Widmann“ vu de deidsche Wikipedia.

E Liste vu de Autore un Versione isch Widmann&action=history do z finde.