Fluch der Karibik 2

Filmdate
Dütsche Titel	Pirates of the Caribbean – Fluch der Karibik 2
Originaltitel	Pirates of the Caribbean: Dead Man’s Chest
Produktionsland	USA
Originalsprooch	Englisch
Erschiinigsjoor	2006
Lengi	150 Minute
Altersfreigoob	FSK 12
Stab
Regie	Gore Verbinski
Dräibuech	Ted Elliott Terry Rossio
Produktion	Jerry Bruckheimer
Muusig	Hans Zimmer
Kamera	Dariusz Wolski
Schnitt	Craig Wood Stephen E. Rivkin
Bsetzig
Johnny Depp: Captain Jack Sparrow Orlando Bloom: William „Will“ Turner Keira Knightley: Elizabeth Swann Jack Davenport: Kommodore James Norrington Bill Nighy: Davy „Flying Dutchman“ Jones Jonathan Pryce: Gouverneur Weatherby Swann Stellan Skarsgård: William „Stiefelriemen Bill“ Turner Naomie Harris: Tia Dalma Kevin McNally: Joshamee Gibbs Tom Hollander: Lord Cutler Beckett Geoffrey Rush: Captain Barbossa

Dialäkt: Bärndütsch

Pirates of the Caribbean - Fluch der Karibik 2 (Originautetu: Pirates of the Caribbean: Dead Man's Chest) esch e amerikanische Spöuföum usem Jahr 2006 ond glichzitig d Fortsetzig zo Fluch der Karibik usem Jahr 2003. Regie hed bim Pirateföum de Gore Verbinski gfüehrt, s Drehbuech hend de Ted Elliott ond de Terry Rossio gschrebe.

Handlig

D Föumhandlig foht während de Hochzytsfiir vo de Elizabeth Swann ond em Will Turner z Port Royal ah. No bevor si sech s Jo-Wort chöi gä, wärde de Elizabeth ond de Will vom Lord Beckett, eme hochrangige Repräsentant vo de britische East-India Trading Company verhaftet. Im Erschte Teil hei si beidi im Pirat Captain Jack Sparrow zo de Flocht verhoufe, drom sölle si jetzt ghänkt wärde. De Vater vo de Elizabeth, de Gouverneur Weatherby Swann esch machtlos. Wenn de Will allerdings im Lord Beckett de Kompass vom Jack Sparrow cha beschaffe, versprecht er i ehne dass er si ned hänke wörd. Dä zeigt emmer i die Rechtig wo sech das Objekt befendet wo de Kompassträger sech am meischte wönscht.

Onderdesse macht sech de Jack Sparrow ofd Suechi nochem Schlössu zo dere Truhe wo sech im Davy Jones sis Härz befendt. De Jack het im Davy Jones Johre vorhär versproche, hondert Johr es Metgled vo sinere Crew z wärde, wenn är ehn zom Kapitän vo de Black Pearl macht. De Jones esch ez of de Suechi nochem Jack, wöu dä sini Schoude ilöse sött. Vom Will sim Vater, är esch inzwösche e Ontote vo de Crew vom Davy Jones, erfahrt de Jack dass de dä of de Suechi noch ehm esch. Drom befelt de Jack so schnöu wi möglech Land a zstüüre.

De Will fendt de Jack ofere Insle wo vomene Kannibalestamm bewohnt wird. D Kannibale hei de Jack zo ehrem Gott ernennt, wei jedoch im verlouf vomene Ritual töte. D Pirate Pintel und Ragetti chöme äbefaus of die Insle nochdem si usem Gfängnis z Port Royal hei chönne entcho. Im Will, Jack ond ehrne Begleiter glingt schlossäntlech d Flocht ofd Black Pearl.

De Davy Jones cha nome tötet wärde wenn sis Härz zerstört wird. De Will und de Jack erfahre vo de gheimnisvolle Tia Dalma dass s Härz vom Davy Jones inere True of ere einsame Insle versteckt esch. Die beide fende d flying Dutchman. De Davy Jones get im Jack drü Täg zyt ehm 99 Seele, statt sinere eigete z bsorge. De Will blibt as Azahlig äbefaus ide Crew vo de flying Dutchman.

De Will trefft ofem Scheff sine Vater: de William Stiefelriemen Bill Turner. Dä höuft ehm de Schlössu för d Truhe zo Davy Jones sim Härz z fende. Är ermöglecht ehm ou d Flocht vo de flying Dutchman. Är get ehm es Mässer met ond de Will schwört dasser de Davy Jones töte wird indem er das Mässer dörs Härz vo ehm stäche wird.

Z Tortuga trifft de Jack ofe Norrington, dä het sini Astellig bi de Royal Navy verlore, wöue ehm d Jagd ofe Jack messglöckt esch. De Norrington wird id Crew vo de Black Pearl ufgno. Es werd osserdem d Elizabeth, ehre esch d Flocht us Port Royal glonge, a Bord gno. De Jack notzt si met sim Kompass, zom Truhe mit em Härz vom Davy Jones z fende.

Si fahre ofd Isla Cruz wo sech im Davy Jones sis Härz befendt. De Will esch äbefaus onderwägs zo dere Insle, är wird verfougt vom Davy Jones ond de Crew vo de flying Dutchman.

De Jack wot s Härz bruche, damit är sech vo sim Fluech cha freichoufe, de Will het vor met dem Härz sine Vater z befreie. De Norrington wott s härz stähle ond’s im Lord Beckett bringe om sini Rehabilitation z erreiche. Of de Insle träffe si ofe Will. Zwöschem Will, Jack ond Norrington entbrönnt e Kampf ome Schlössu zo de Truhe. De Pintel ond de Ragetti probiere i de Zwöschezyt d Truhe z stähle ond wärde vo de Elizabeth verfougt. Schliesslech trefft no de de Davy Jones ond sini Crew of de Isla Cruz i zom sech d Truhe ond de Schlössu zrog z hole. De Norrington cha schlossändlech met de Truhe flöchte ond si im Lord Beckett öbergä. Im Jack, Will, Elizabeth ond de Crew vo de Black Pearl glingt d Flocht zo ehrem Scheff.

Damet er de Jack cha töte rüeft de Davy Jones im Riesekrake, dä söu d Black Pearl is Meer zieh. De Kampf gäge Krake schint ussechtslos z si, drom beschliesst d Crew im Biiboot z flöchte. Um e Chance zha für die Flocht, kösst d Elizabeht de Jack ond chettet ne onderdesse as Scheff, si gloubt är esch schoud a dere ganze Lag. De Jack wird zäme mit de Black Pearl vom Riesekrake verschlonge, i de Crew allerdings glingt d Flocht.

D Besatzig goht zo de Hütte vo de Tia Dalma, det erfahre si dass si de de tot Jack weder zom Läbe erwecke chöi. Für das stöut si ehne de Pirat Barboss zor Siite, är esch im erschte Teil vom Jack Sparrow verschosse worde.

Erfoug

Mettlerwile hed Fluch der Karibik 2 weutwiit öber 1 Milliarde Dollar igspöut ond esch somet nach Titanic ond Herr der Ringe de dretterfougrichscht Föum auer Ziite! 2007 esch d Triologie met Fluch der Karibik 3 abgschlosse worde.

Dä Artikel basiert uff ere fräie Übersetzig vum Artikel „Fluch_der_Karibik_2“ vu de dütsche Wikipedia. E Liste vu de Autore un Versione isch do z finde.