Felix Platter-Spital

Felix Platter-Spital
S Felix Platter-Spital an dr Burgfälderstross 101 z Basel
Unternähmensform	öffentlig-rächtligi Aastalt
Gründig	1890
Sitz	Basel, Schwiz
Leitig	Beat Straubhaar (Bresidänt vom Verwaltigsroot) Guido Speck (Diräkter, Vorsitzende vo dr Gschäftsläitig)
Mitarbeiter	800
Branche	Gsundhäitswääse
Uffdritt im Netz	felixplatterspital

Dialäkt: Baseldütsch

S Felix Platter-Spital isch noch em Universitätsspital Basel s zweitgrösste Spital z Basel. Si geriatrischs Kompetänzzentrum ghört zu de grösste in dr Schwiiz. Es het dr Name vom Felix Platter übercho, won e bedütende Basler Mediziner und Universitätsprofessor im 16. Johrhundert gsi isch. S Spital bestoht us drei Beriich, em Geriatrische Kompetänzzentrum, dr Rheumatologische Universitätsklinik und dr Orthopedische Früehrehabilitation. Alli drei Beriich hai ängi Beziehige zum Universitätsspital Basel. Jedes Johr wärde öbbe 3000 Patientinne und Patiente behandelt. S Felix Platter-Spital het öbbe 800 Mitarbeiter.

S Felix Platter-Spital us dr Vogelperspektive

Leistigsspektrum

Multidisziplinäri Abklärige und Behandlig vom physische und psychische Gsundheitszuestand und em soziale Hindergrund.

• Geriatrischi Ufnahm- und Abklärigsstation (GAAST)
• Rehabilitation Bewegigsapparat
• Neurorehabilitation
• Internistischi Nochbehandlig
• Psychogeriatrii (Spital oder in dr Dagesklinik) für Patientinne und Patiente mit Hirnleistigsstörige
• Übergangspfleg mit Training vor Ort – aso dehei
• Dagespflägiheim mit em strukturierte Dagesablauf
• Dagesklinik mit deilstationärer Rehabilitation
• Passerelle: Bettstation für Lüt, wo uf e Blatz in eme Pflägheim warte

D Sprächstunde biete Diagnostik und Therapi für ambulanti Patientinne und Patiente a.

• Spezialsprächstund Inkontinenz
• Spezialsprächstund Demenz
• Spezialsprächstund Prothese- und Orthese-Versorgig
• Spezialsprächstund Sturz/Sturzklinik
• Spezialsprächstund Malnutrition (Mangelernährig)

Ambulanti Dienst:

• Ernährigsberootig
• Ergotherapii
• Logopedii
• Physiotherapii
• Trainingscenter Fitalix

Gschicht

S Felix Platter-Spital heisst erst sit em Novämber 1956 eso. Aber d Afäng vom Spital gönge zrugg bis ins Johr 1890. Die Orthopädischi Universitätsklinik vom Felix Platter-Spital isch am 1. März 2003 ins Universitätsspital Basel verleit worde.

Dr Bau vom ene nöije Spidaalgeböid uf em hütige Areal het am 19. August 2015 d Baubewilligung bekho und im Oktober isch dr Grundstäi gläit worde. Die alte Spidaalgeböid wärde abgrisse usser em Hauptgeböid, wo in gnosseschaftligi Woonige umbaut wird. Es isch in ere serielle Iisebeton-Skelettbautechnik konstruiert und söll as Bischbil vo dr Noochchriegsarchidektuur erhalte bliibe und under Dänggmolschutz gstellt wärde.

Weblingg

• Felix Platter-Spital
• Sturzklinik des Felix Platter-Spitals
• Universitätsspital Basel
• Gesundheitsdepartement Basel-Stadt
• Spital-Statistik von Basel-Stadt und Basel-Landschaft

Dä Artikel basiert uff ere fräie Übersetzig vum Artikel „Felix_Platter-Spital“ vu de dütsche Wikipedia. E Liste vu de Autore un Versione isch do z finde.