Logopedii

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Begriff Logopedii (von altgriechisch λόγος lógos „Wort“ und παιδεύειν paideuein „erzieh“; wörtlig also „Sproocherziejig“) isch 1913 zum erste Mol brucht worde und 1924 het en dr Wiener Mediziner Emil Fröschels as Begriff für die medizinischi Sproochhäilkund iigfüert. Hüte mäint Logopedii d Fachdisziplin, wo sich mit Brobleem bi dr Sprooch, bim Schwätze, mit dr Stimm, bim Schlucke oder Loose abgit. D Logopedii beschäfdigt sich mit Prevenzioon, Berootig, Diagnostik, Therapii und Rehabilitazioon, und dr Leer und Forschig uf de Gebiet vo dr Stimm (Stimmstörige und Stimmtherapii), vom Schwätze (Sprächstörig und Sprächtherapii), dr Sprooch (Sproochstörig und Sproochtherapii) und vom Schlucke (Schluckstörig und Schlucktherapii).

D Behandlig[ändere | Quälltäxt bearbeite]

Je noch em Brobleem wärde d Artikulazioon, dr Wortschatz, s Sproochverständnis, d Läistige im Schriibe, Lääse und Rächne, und d Funkzioone vom Otem, vo dr Stimm oder vom Schlucke testet. Zämme mit em ärztligen Befund bilde d Resultaat vo dere Diagnose d Grundlaag für weli Behandligsmethode aagwändet wärde. Gmäinsam mit em Paziänt und / oder sine Bezugspersone wärde d Ziil vo dr Therapii festgläit. D Behandlig bestot us spezifische Üebige, Gsprööch über Fortschritt bi dr Behandlig und ere Aaläitig zum sälbstständige Üebe.

Litratuur[ändere | Quälltäxt bearbeite]

Weblingg[ändere | Quälltäxt bearbeite]

Arbäitgääberverbänd Dütschland

Brufsverbänd Dütschland

Bruefsverband Ööstriich

Bruefsverbänd und Usbildigsblätz in dr Schwiz

Usbildig

Information icon.svg Dä Artikel basiert uff ere fräie Übersetzig vum Artikel „Logopädie“ vu de dütsche Wikipedia.

E Liste vu de Autore un Versione isch do z finde.