Dr Fuuli-Magd-Brunne

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5635888888897.5845333333333Koordinaten: 47° 33′ 49″ N, 7° 35′ 4″ O; CH1903: 610981 / 268108

Dr Fuuli-Magd-Brunne
Dialäkt: Baseldütsch

Dr Fuuli-Magd-Brunne isch en öffentlige Brunne an dr Santihansvorstadt naben em Huus Nummere 34 im Baasler Vorstedtkwardier. Sit 1915 stoot er under Dänggmolschutz und gältet as e Baasler Kulturguet, wo regionali Bedütig het.

Gschicht[ändere | Quälltäxt bearbeite]

Mä nimmt aa, ass d Figuur vo dr Fuule Magd, wo us Sandstäi gmäisslet isch, us em 16. oder 17. Joorhundert stammt. E Brunne mit em Naame «Fuuli Magd» het s 1727 gee, und d Statue isch bis 1866 no uf zwäi andere Brünne gstande, bis si uf dr hütig Droog cho isch. Im 20. Joorhundert isch d Statue im ene so schlächte Zuestand gsi, dass mä 1924 im Otto Roos dr Ufdraag gee het, e Kopii z mache. Die het mä uf e Brunnestock gstellt und s Original isch in s Historische Museum cho.

Dr Brunnedroog het acht Egge und sini Ussewänd si verziert.

Kwelle[ändere | Quälltäxt bearbeite]