Faarzüügsignaal

È Zug- odder Faarzüügsignaal isch è Signaal, wo an èm Faarzüüg vo dè Ysèbaa, z. B. an èm Waggon odder Drybfaarzüüg, aabrocht isch.

Im Berych vo dè Dütschè Baan exischtyrèd diè folgendè vyr Faarzüügsignaal:

• Signaal Zg 1 - Spitzèsignaal Kennzeichnung vo dè Zugschpitzè: Sèll Signaal isch a dè Spitzè von èm faarendè Zug aabrocht un zeigt, wenn s sich bim füürendè Faarzüüg um è Drybfaarzüüg odder èn Stüèrwagè handlè duèt, drei wyßi Lièchter, wo wiè nè glychschenkligs Dreiegg aagordnèt sin, odder im andrè Fall zwei wyßi Lièchter horizontal näbbènand. Bis zum Johr 1957 hèt s Zg 1 us dè zwei horizontalè Lièchter bschtandè. Allerdings hèn d Lokomotyvè scho s dritte Spitzèliècht inschtallyrt ghaa, demit mò s Signaal Zg 7 hèt chönnè aazeigè, wo für Sonderzüüg ygsetzt worrè isch. Weg èm zuènämmendè Strõßèvokeer, wo jò bis hüt zwei horizontali Lièchter a dè Spitzè bzw. Front zeigèd, hèt mò s Spitzèsignaal bi dè Ysebaan ab 1957 mit èm Dreiliècht aazeigt.

Zg 2

• Signaal Zg 2 - Schlusssignaal Kennzeichnung vom Zugschluss: Sèll Signaal wörd am letschtè Wagè von èm Zug aabrocht un bschtòt entwedder uss einèrè odder zwei rot-wyßè Daflè, woby dõ è roti Markyrung in Form vo zwei sich a dè Spitzè dräffendè Dreiegg uff wyßem Untergrund uusgfüürt isch, odder us zwei horizontal näbbènand aagordnetè rotè Lièchter. Wörrèd au nachts (z. B. a Güèterzüüg) Daflè statt Lièchter bruucht, so müèn sèbbi reflektyrènd sy.
• Signaal Fz 1 - Rangyrlokomotyvsignaal Kennzeichnung von èrè Lokomotyvè im Rangyrdiènscht: Sèll Signaal, wo è einzelnes wyßes Liècht hèt, kennzeichnèt bi Nacht è Rangyrlokomotyv.
• Signaal Fz 2 - Gääli Faanè Kennzeichnung vo Wägè, wo still stôn un mit Personè bsetzt sin: Sèll Signaal, wo us ein odder zwei gäälè Faanè an èm abgschtelltè Waggon bschtòt, warnt s Personal von èrè Rangyrabteilung dèvor, sèlli Wagè z bewegè, well er mit Personè bsetzt isch. S glyche Signaal wörd au vowendet, um èn Wagè, wo z. B. an è Stromkabel odder èn Wasserschluuch aaschlossè isch, vor irrtümlichem Bewegè z schützè. Nachts wörd s Tageszeichè gfüürt, zuèsätzlich isch dè Wagè nôch ußè erkennbar im Interieur z belüüchtè.

Luèg au

• Zugsignaal

Weblinggs

• Faarzüüg- un Zugsignaale bi stellwerke.de
• Signalbuch vo dè DB Netz AG, Ril 301 Bekanntgaab 5 (PDF; 2,0 MB), gültig sit èm 9. Dezembèr 2012

Fuèßnotè

Dä Artikel basiert uff ere fräie Übersetzig vu dere Version vum Artikel „Fahrzeugsignal“ vu de dütsche Wikipedia. E Liste vu de Autore un Versione isch do z finde.