Ewald Weibel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Ewald Weibel (2006)

Dr Ewald Rudolf Weibel (* 5. Merz 1929 z Buchs; † 19. Februar 2019[1]) isch e Schwyzer Anatom gsii. Är het mit dr Entwicklig vu morfometrische Methode s quantitativ Studium vu dr strukturälle Grundlage vu dr Fysiology am Byschpel vu dr Lungefunktion un dr Zällbiology mitgrindet un im Rame vu fysiologische Studie am Otmigssischtem vu dr Lunge bis zue dr Mitochondrie aagwändet. Är het anne 1962 mit em George Emil Palade di spezifisch Organelle vu dr Bluetgfäßendothelzälle entdeckt, wu hite „Weibel-Palade Body“ gnännt wird.[2] Dr Ewald Weibel isch Autor vu iber 350 wisseschaftlige Publikatione un mehrere Biecher.

Lääbe un Wärch[ändere | Quälltäxt bearbeite]

Noch em Medizinstudium an dr Universitet Züri (Staatsexame 1955, Dr. med. 1956) isch e meejehrige Studienufenthalt in dr USA an dr Yale University z New Haven, un an dr Columbia University un am Rockefeller Institute z New York, zletscht as Career Investigator vum Health Research Councils vu dr City of New York. Anne 1963 isch er as Assischtänzbrofässer an s Anatomisch Inschtitut vu dr Universitet Züri retuurchuu un isch 1966 em Ruef as ordelige Brofässer un Diräkter vum Anatomische Inschtitut an d Universitet Bärn gfolgt, bis zue syre Emeritierig 1994. Är isch Räkter vu dr Universitet Bärn vu 1984 bis 1985 gsii. Vu 1979 bis 1996 isch er Visiting Agassiz Professor un Associate in the Museum of Comparative Zoology vu dr Harvard University gsii. No syre Emeritierig isch er bis 2000 Vizebresidänt un Sektreteer vu dr Fondation Maurice E. Müller fir Orthopedischi Chirurgy gsii. Är isch Grindigsbresidänt vu dr Union vu dr Schwyzerische Gsellschafte fir Experimentälli Biology (1969–1972) gsii[3], Bresidänt vu dr Schwyzerische Akademy vu dr Medizinische Wisseschafte (1996–2000)[4] un Bresidänt vu dr International Union of Physiological Sciences (1997–2001) gsii.

Sy wisseschaftli Wärch het vu vier Haupttheme ghandlet: d Morfometry vu dr mänschlige Lunge as strukturälli Grundlag vu dr Gasuusdusch-Funktion; d Entwicklig vu morfometrische un stereologische Verfahre; d Aawändig vu däne Methode in dr Zällbiology fir d Mässig vum Membransischtem vu dr Läberzälle un dr Mitochondrie in dr Muskulatur; integrativi Studie in dr verglychende Fysiology, vor allem zue dr Frog vu dr optimale strukturälle Grundlag vu dr organismische Funktione vum Schnuufsischtem vu dr Lunge bis zue dr Muschkelzälle un ihre Mitochondrie im Rame vu dr Hypothes vu dr Symmorphosis. D Entdeckig vu dr Weibel-Palade Bodies 1962 isch e Zuefallsbeobachtig gsii.

Dr Ewald Weibel isch mit dr Gyygeri un Musikwisseschaftleri Verena Weibel-Trachsler ghyrote gsii.

Uuszaichnigfe un Bryys (Uuswahl)[ändere | Quälltäxt bearbeite]

  • 1974: Marcel-Benoist-Bryys
  • 1979: Honorary Fellow of the Royal Microscopical Society
  • 1979: Felix Fleischner Medal
  • 1981: Foreign Associate of the U.S. National Academy of Sciences
  • 1982: College Medalist, American College of Chest Physicians
  • 1985: Fellow American Association for the Advancement of Science
  • 1987: Anders Retzius Gold Medal, Karolinska Institutet, Stockholm
  • 1987: Mitglid vu dr Cheniglige Gsellschaft vu dr Wisseschafte z Uppsala
  • 1988: H.R. Schinz Medaille
  • 1988: Honorary Degree of Doctor of Science, University of Edinburgh
  • 1988: Mitglid vu dr Polnische Akademy vu dr Wisseschafte
  • 1989: Mitglid vu dr Dytsche Akademy vu dr Naturforscher Leopoldina
  • 1989: Medal of Royal Microscopical Society
  • 1992: Ainzelmitglid vu dr Schwyzerische Akademy vu dr Medizinische Wisseschafte
  • 1993: Jan Evangelista Purkinje Gold Medaille, Prag
  • 1998: Mitglid vu dr Academia Europaea
  • 1999: Ehredoktor vu dr Medizin, Universitet Gämf
  • 1999: Honorary Foreign Member, American Academy of Arts and Sciences
  • 2000: Ehremitglid vu dr Schwyzerische Akademy vu dr Naturwisseschafte
  • 2004: Ehremitglid vu dr Schwyzerische Akademy vu dr Medizinische Wisseschafte
  • 2005: Prix La Recherche mit B. Sapoval & M. Filoche, Paris
  • 2007: Educational Award, European Respiratory Society

Schrifte (Uuswahl)[ändere | Quälltäxt bearbeite]

Dr Ewald Weibel isch Autor vu iber 350 wisseschaftlige Publikatione un mehrere Biecher.

  • E. R. Weibel, G. E. Palade: New Cytoplasmic Components In Arterial Endothelia. In: Journal of Cell Biology. Band 23, Oktober 1964, S. 101–112, ISSN 0021-9525. PMID 14228505. PMC 2106503 (freie Volltext).
  • Morphometry of the Human Lung. Springer Verlag and Academic Press, Berlin, New York 1963.
  • Stereological Methods. Vol. I: Practical Methods for Biological Morphometry. Vol. 2: Theoretical Foundations. Academic Press, London-New York-Toronto 1979/80.
  • The Pathway for Oxygen. Structure and Function in the Mammalian Respiratory System. Harvard Univ Press: Cambridge MA 1984.
  • Symmorphosis: On Form and Function in Shaping Life. The John M. Prather Lectures. Harvard Univ Press: Cambridge MA 2000.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Traueranzeige (Memento vom 24. Februar 2019 im Internet Archive), Der Bund, 23. Februar 2019, sich-erinnern.ch, abgruefen am 24. Februar 2019.
  2. E. R. Weibel, G. E. Palade: New Cytoplasmic Components In Arterial Endothelia. In: Journal of Cell Biology. Band 23, Oktober 1964, S. 101–112, ISSN 0021-9525. PMID 14228505. PMC 2106503 (freie Volltext).
  3. Liste der Präsidenten der Union der Schweizerischen Gesellschaften für Experimentelle Biologie Archivlink (Memento vom 28. März 2012 im Internet Archive)
  4. Liste der Präsidenten der Schweizerischen Akademie der Medizinischen Wissenschaften Archivlink (Memento vom 31. März 2016 im Internet Archive)
Information icon.svg Dä Artikel basiert uff ere fräie Übersetzig vu dere Version vum Artikel „Ewald_Weibel“ vu de dütrsche Wikipedia. E Liste vu de Autore un Versione isch do z finde.