Escherichia coli

Us der alemannische Wikipedia, der freie Dialäkt-Enzyklopedy
Escherichia coli
Escherichia coli

Escherichia coli

Systematik
Domäne: Bakterien (Bacteria)
Abdailig: Proteobacteria
Chlasse: Gamma Proteobacteria
Ornig: Enterobacteriales
Familie: Enterobacteriaceae
Gattig: Escherichia
Art: E. coli

S Colibakterium (Escherichia coli, abkirzt E. coli) isch ein siiribildends, gram-negativs, stäblifermigs un peritrich begeiselts Bakterium, wu im menschlige und tierische Darm vorkunnt un wichtigi Funktione im Immunsystem het. Es ghärt zue dä Familie vun de Enterobacteriaceae (griech. "enteron": Darm). Es ghärt zue de fakultativ anaerobe Mikroorganisme un bsitzt d Fähigkeit, Energie sowohl durich Atmung wie au durich "Gemischti Siirijäsung" z gwinne. S dient als Indikator fir fäkali Verunreinigunge, zum Bispil vun Wasser. Es veronlost e Training vum Mukosa-Immunsystems un ferdert d Produktion vun sekretorischem Immunglobulin A. Derzue produziert s Vitamin K.

Schema vun dä Zellteilung vum E.coli
Schema vun dä Zellteilung vum E.coli

Allerdings git s au schädligi E. coli-Stämm, wu Toxin produziere un bim Vorlige vun ere Immunschwäche Infektione hervorruefe kinne. Soli Darminfektione sin unterm Nome EHEC-Colitis (enterohämorrhagische Colitis) bekannt. EHEC-Infektione zelle zue de hifigschte Lebensmittelvergiftunge. De Stomm ETEC isch e hifige Erreger vun de Reisediarrhoe un e unliebsome Begleiter bi Fernreise. E. coli K1 ghärt zue de Grupp vun de Meningitis-Erreger bi Neigeborene.

E. coli isch de Erreger, wu bi akute Harnwegsinfekt om hifigschte nochgwise wird, un e belieb Objekt vun de gentechnologische Forschung.

Us E. coli isch Jonathan Beckwith 1969 as Erschtem d Isolierung vun eme einzelne Gen glunge. Des relativ klein Genom vun de Prokaryote (ca. 4,65 ·106 Basepaar, entspricht ugfähr 5000 Gen) isch as eis vun de erschte vollständig sequenziert wore.

E. coli isch d Bakterieart, wu in de Molekularbiologii om meischte verwendet wird. S komplett Genom isch vun d Genetiker sekwenziert wore un viili vun de Einzelstämm sin isoliert wore. In de moderne Biotechnologii wird s zur induschtrielle Biosynthes vun Insulin, unterschiidlige Aminosiirine un onderi Verbindunge iigsetzt. Dofir isch E. coli prädeschtiniert, wel s zur residente Darmflora vum Mensch ghert un wäge däm kei Allergi verursacht (gegensitigi Opassung).