Ordnung (Biologie)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
D Position vo dr Ordnig innerhalb vo dr biologische Klassifikation

D Ornig (latiinisch: Ordo) isch e Rangstuefe in dr biologische Systematik. Si dient zur Iideilig und Benennig vo de Läbewäse (Taxonomii).

In Bezug zu de Hauptstuefe stoht d Ornig zwüsche dr Klass und dr Familie. Zuesätzlig cha unmittelbar über dr Ornig en Überordnig (superordo) und unmittelbar drunder en Underornig (subordo) und e Deilornig (infraordo) vorhande si.

In dr Botanik leite sich die wüsseschaftlige Ornigsnäme vo dr Gattig vo dr Typusart ab und ände uf -ales (zum Bischbil Asterales, abgleitet vo Aster). Die Ändig het dr John Lindley 1833 iigfüehrt, dr George Bentham und dr William Jackson Hooker hai si 1862 etabliert.

No bim Carl von Linné („Ordines naturales“) und bim Antoine-Laurent de Jussieu het d Ornig e Rangstuefe über dr Gattig bezeichnet und ehnder dr hütige Familie entsproche. Wo sich dr Gebruuch vo dr Familie iibürgeret het, het mä d Ordnig als nechsthöcheri Rangstuefe übernoh.

Zitwiis het es alternativi Rangstuefebezeichnige wie Nixus, Cohors oder Alliance ge. Vo bsundriger Bedütig isch dr Begriff „Reihe“, wo vom Adolf Engler iigfüehrt und bis 1959 bsundrigs in dr dütschsproochige Botanik bruucht worden isch. Die Begriff si zugunste vo dr Ornig verworfe worde [1], Taxa, wo entsprächend beschriibe si, gälten aber as gültigi Ornigen [2].

Bi de Bilz isch d Ornig hüfig die wäsentligsti Darstelligsebeni [3].

Noowiis[ändere | Quälltäxt bearbeite]

  • Gerhard Wagenitz: Wörterbuch der Botanik, 2. Auflage, 2003/2008, ISBN 3-937872-94-9, S. 226

Einzelnoochwiis[ändere | Quälltäxt bearbeite]

D Informatione in däm Artikel stamme zum grösste Deil us de Quelle, wo under Noochwiis aagee si, drüber use wärde die folgende Quelle zitiert:

  1. International Code of Botanical Nomenclature (Vienna Code), Art. 3, Online
  2. International Code of Botanical Nomenclature (Vienna Code), Art. 17.2, Online
  3. ISBN: 3827409209
Dä Artikel basiert uff ere fräie Übersetzig vu dere Version vum Artikel „Ordnung_(Biologie)“ vu de dütsche Wikipedia.

E Liste vu de Autore un Versione isch do z finde.