Erika Mann
![](http://upload.wikimedia.org/wikipedia/commons/thumb/b/be/Erika_Mann_NYWTS.jpg/220px-Erika_Mann_NYWTS.jpg)
D Erika Julia Hedwig Mann (* 9. Novämber 1905 z Münche; † 27. Augschte 1969 z Züri) isch e tüütschi Schauspilerin, Kabarettischtin, Schriftstellerin und Lektorin gsy.
s Läbe
[ändere | Quälltäxt bearbeite]D Erika Mann isch d Dochter vom Schriftsteller Thomas Mann und und vo däm sinere Frou Katia Mann gsy. Iiri Brüeder sind dr Klaus Mann und dr Golo Mann gsy, iiri Schwöschter d Monika Mann. Si isch z München id Schuel ggange und het mit 1919 ghulfe d Theatergruppe Laienbund Deutscher Mimiker gründe. 1924 het si z Berlin dr Pruef von ere Schauspilerin afo leere; Theateruuftritt het si sit 1927 i verschidene düütsche Stedt gha. 1926 het si dr Schauspiler Gustav Gründgens ghürootet; die Ee isch aber scho 1929 wider usenand ggange. Vo 1927 aa isch d Erika Mann mit iirem Brueder Klaus uf Reise i frömdi Länder ggange, und si het drüber Reisepricht gschribe.
D Mann het nit numen im Theater gschaffet, sondern sit 1929 au in Chinofilm chönnen uufträtte. 1933 isch d Erika Mann derby gsy, wo z Münche s Gabaree Die Pfeffermühle gründet woorden isch. Wäge dr Machtübernaam vo de Nazionalsozialischte isch d Erika Mann i d Schwiiz gflüchtet, und derby het si usem Huus vo den Eltere, wo grad i den Alpe i de Ferie gsi sind, d Schrifte vom Vatter Thomas Mann mitgnoo und iim is Exil mitprocht. D Familie het denn z Küsnacht gwoont. I dr nöchschte Zyt het d Pfäffermüüli mit iire vil Uuftritt i dr Schwiiz gha.
Me könnt d Erika Mann au als Autoorin vo Tegscht für Zytige, vo Theaterstuck, vo Chinderbüecher und vo grösseren Arbete, öppe zu politische Theemen und über iire Vatter, dr Thomas Mann.
![](http://upload.wikimedia.org/wikipedia/commons/thumb/6/6e/GraveErikaMann-CemeteryKilchberg_RomanDeckert07042023.jpg/220px-GraveErikaMann-CemeteryKilchberg_RomanDeckert07042023.jpg)
Sit 1938 isch d Erika Mann z Amerika gsy; 1940 het si als Korespondäntin bi dr britische BBC agfange schrybe und 1942 het si bi der amerikanische Informazioonsbehörde e Stell überchoo. 1947 het si dr Thomas Mann uf Läsereise dur Öiropa begleitet, und sit denn het si vil z tue gha mit em literarische Nochlass vo iirem Vatter. 1952 isch si id Schwiiz zrugg, wo si z Eerlebach und z Chilchbèèrg gwoont het. Wo dr Thomas Mann anne 1955 gstoorben isch, het s d Erika uf sech gnoo, zum Nochlass vom Vatter z luege; si het vil Brief vonnem veröfentlecht und für d Nöiuuflaag vom Vatter sym Wäärch gsorget. Wo dr Thomas Mann anne 1955 gstoorben isch, het d Eerbegmeinschaft mit dr Erika Mann eis Joor drufabe vil Sachen uus sym Nochlass em Poly z Züri gschänkt; das isch hütt s Thomas-Mann-Archyv, wo au d Yrichtig vo dr Schrybstube vom Nobelprystreeger uufbewart. Am 27. Augschte 1969 isch d Erika Mann im Kantonsspitaal z Züri gstorbe.
Z Züri-Öörlike git’s dr Erika-Mann-Wääg.
Literatur
[ändere | Quälltäxt bearbeite]- Susanne Gisel-Pfankuch: Mann, Erika. In: Historisches Lexikon vo dr Schwiiz.
- Anna Beck, Christian Jauslin: Erika Mann. In: Andreas Kotte (Hrsg.): Theaterlexikon der Schweiz. Band 2. Chronos, Zürich 2005, ISBN 3-0340-0715-9, S. 1169 f.
- Daniela Chana: Erika Mann und die 'Pfeffermühle'. Dadaismus und die Anfänge des Cabarets in der Schweiz. danzig & unfried, Wien, 2015, ISBN 978-3-902752-10-9.
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)