Emanuel Friedrich von Fischer

Dr Emanuel Friedrich vo Fischer (* 19. September 1786 z Bärn; † 13. Januar 1870 z Bärn) isch e Schwiizer Politiker im Kanton Bärn gsi.

Noch em Studium vo dr Klassische Philologii und dr Mathematik an dr Gämfer Akademii und dr Bärner Akademii isch er 1805 bis 1809 Sekretär vo dr Bärner Akademii gsi. Denn het er e politischi Karriere gmacht und isch 1827 zum letzte regierende Bärner Schultheiß vo dr Restaurationsziit gwehlt worde. Noch dr Julirevolution vo 1830 het er im Januar 1831 z Bärn drfür gsorgt, ass dr Übergang vom Patriziat zum liberale Verfassigsstaat friidlig siig, und denn isch er vo 1833 bis 1840 freiwillig ins Exil gange.

D Abdankigsurkunde vo dr aristokratische Regierig het am 20. Oktober 1831 denn as dr letzt nominell Schultheiss dr Niklaus Rudolf vo Wattewyl underschriibe.

Vo 1850 bis 1854 isch dr Fischer als Abgeordnete vo Brienz wider Mitgliid im Kantonsparlamänt gsi und het die konservativi Regierig vom Eduard Blösch understützt.

Weblingg

Christoph Zürcher: Fischer, Emanuel Friedrich von. In: Historisches Lexikon vo dr Schwiiz.
Georg von Wyß: Fischer, Emanuel Friedrich von. In: Allgemeine Deutsche Biographie (ADB). Band 7, Duncker & Humblot, Leipzig 1877, S. 52–61.
Hans Haeberli: Fischer, Emanuel Friedrich von. In: Neue Deutsche Biographie (NDB). Band 5, Duncker & Humblot, Berlin 1961, ISBN 3-428-00186-9, S. 174 f.

Dä Artikel basiert uff ere fräie Übersetzig vu dere Version vum Artikel „Emanuel_Friedrich_von_Fischer“ vu de dütsche Wikipedia. E Liste vu de Autore un Versione isch do z finde.