Elke Zimmer

Dialäkt: Undermarkgreflerisch

D Elke Zimmer (* 24. Mai 1966 z Sendelfenga) isch e dytschi Bolitikeri (Bindnis 90/Di Griene) un syt em 12. Dezämber 2016 Mitglid vum Landdag vu Bade-Wirttebärg.

Lääbe

D Zimmer isch z Sendelfenga ufgwachse un dert uf d Schuel gange. Noch em Abitur anne 1985 het si bis 1987 bi dr Chraissparkass Beblenga Bankchauffrau glehrt. Vu 1987 bis 1989 het si an dr Universitet Hohheim Wirtschaftswisseschafte studiert un derno vu 1989 bis 1992 Wirtschaftspedagogik an dr Universitete Mannem un Kingston (GB). Z Brusel het si 1993 bis 1995 dr Vorberaitigsdienscht fir s Lehramt an berueflige Schuele gmacht un nocherdani vu 1995 bis 1998 as Studieassessori bzw. schließlig as Studiereeti an dr Walter-Eucken-Schuel z Charlsrue unterrichtet. Vu 1998 bis 2003 isch si in Elterezyt gsii. Ab 2003 bis 2016 het si bim Internationale Bund Mannem unterrichtet un driberuuse isch si syt 2003 Dozänti an dr Mode- un Grafikdesignschuel Manuel Fritz z Mannem.

D Zimmer isch ghyrote un het drei Chinder.

Bolitik

Vu 2005 bis 2014 isch d Elke Zimmer Mitglid vum Bezirksbyroot Neckarau gsii. Syter anne 2014 isch si Mitglid vum Gmairoot z Mannem

Bi dr Landdagswahl 2016 isch si Ersatzkandidati im Wahlchrais Mannem II gsii. Noch em Dod vum Wolfgang Raufelder isch d Zimmer zum 12. Dezämber 2016 in Landdag noogruckt.

Im Landdag isch si Mitglid im Uusschuss fir Kultus, Juged un Sport un im Uusschuss fir Verchehr. Stellverdrättend Mitglid isch si im Standigen Uusschuss, im Uusschuss fir Inners, Digitalisierig un Migration, im Uusschuss fir Finanze, im Uusschuss fir Wirtschaft, Arbet un Wohnungsböu, im Uusschuss fir Umwält, Klima un Energywirtschaft, im Uusschuss fir Sozials un Integration, im Uusschuss fir Europa un Internationals un im Petitionsuusschuss

Sunschtigs Engaschmänt

Mitglid im Ufsichtsrot vu dr GBG – Mannheimer Wohnungsbaugesellschaft mbH.
Mitglid im Verwaltigsrot vum Städtische Leihamt Mannheim AöR
Mitglid im Byrot vu dr Biotopia Arbeitsförderungsbetriebe Mannheim gGmbH
Mitglid im Kuratorium vum Diakonissenkrankenhaus Mannheim GmbH.
Mitglid im Verwaltigsuusschuss vu dr Agentur für Arbeit Mannheim
Mitglid im Byrot vu dr Proschtitutionsberotigsstell Amalie vum Diakonische Werk Mannheim
Mitglid im Kuratorium vum Verein für Gemeindediakonie und Rehabilitation e. V., Mannheim
Mitglid im Byrot vu dr Justizvollzugsanstalt Mannheim
Mitglid im Ökostadt Rhein-Neckar e. V.
Mitglid im Verkehrsforum Neckarau
Mitglid im Förderkreis Wilhelm-Wundt-Bücherei Mannheim-Neckarau e. V.
Mitglid im Allgemeiner Deutscher Fahrrad-Club (ADFC), Verkehrsclub Deutschland (VCD).

Weblink

Commons: Elke Zimmer – Sammlig vo Multimediadateie