Dr Baasler Elisabethebrunne

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

47.5518277777787.5909194444444Koordinate 47° 33′ 7″ N, 7° 35′ 27″ O; CH1903: 611464 / 266801

Dr Elisabethebrunne, im Hindergrund dr Durm vo dr Elisabethekiirche
Dialäkt: Baseldütsch

Dr Elisabethebrunne isch e Brunne, wo am Stroossenegge vo dr Elisabethestrooss und em Klosterbärg in dr Stadt Baasel stoot. D Figur vo dr Elisabeth vo Thüringe isch vom Heinrich Rudolf Meili (1827-1882) noch ere Vorlaag vom Hans Holbäi em Eltere gmacht worde[1]. Dr Brunne isch sit 1862 in Betriib. Öbbe hundert Meter äwägg stoot d Elisabethekiirche, wo vo 1857 bis 1864, also öbbe zur gliiche Zit, baut worde isch. Dr Brunne zelt as e Baasler Kulturguet.

Beschriibig[ändere | Quälltäxt bearbeite]

Dr Elisabethe-Brunne het zwäi Becki und dr Brunnestogg het drei Däil. D Statue us Stäi zäigt die häiligi Elisabeth, wo vo 1207 bis 1231 gläbt het.[2] mit ere Kanne Wasser und eme Laib Brot in dr Hand. Under dr Elisabeth stoot e Basilisk, won e Baasler Wabbeschild hebt. Uf dr gliiche Hööchi wisawii het s zwäi Schwään us Bronse wo s Wasser us iire Schnääbel fliesst. Dr underi Droog bechunnt si Wasser über zwäi Usgüss in dr Form vo Delfin.

Kwelle[ändere | Quälltäxt bearbeite]

  • Elisabethen-Brunnen uf brunnenfuehrer.ch
  • Martina Seifert: Komplexe Bilder, Leonhard-Thurneysser-Verlag, 2008, S. 52

Fuessnoote[ändere | Quälltäxt bearbeite]

  1. Offene Kirche Elisabethen, abgrüeft am 16. Novämber 2014
  2. Si het freiwillig in Armuet gläbt. Scho vier Joor noch iirem Dood isch si häilig gsproche worde und gältet as d Patronin vo de Bättler.