Eliana Burki

Us der alemannische Wikipedia, der freie Dialäkt-Enzyklopedy
Eliana Burki (2017 mit em «Burki-Horn»)

D Eliana Burki (* 13. Septämber 1983 z Fäubrunne, Kanton Soledurn; † 24. April 2023) isch e Schwyzer Musikeri gsii. Si het dr Uusdruck „Funky Swiss Alphorn“ fir s Alphorn in Funk-, Pop- un Jazz-Lieder bruucht.

Lääbe[ändere | Quälltäxt bearbeite]

D Eliana Burki het Alphorn gspiilt, syter ass si sechs Johr alt gsii isch. Ain vu ihre erschte effetlige Ufdritt het si as Nyynjehrigi am nordweschtschwyzerische Jodlerfescht z Schönewerd ghaa.[1] Wel ere s draditionäll Due um s Alphorn nit gfalle het, het si nit in ere Draacht gspiilt, wie s sunscht gängig gsii isch. As Teenager het si ihri Vorlieb fir Blues- un Jazz-Kompositionen entdeckt.

Mit 16 Johr het si ihri Uusbildig zur Diermedizinische Fachaagstellte (TPA) abbroche. Si het Klavier un Gsang an dr Basler Musikhochschule studiert, wel s kai Fächer mit em Alphorn gee het. Zwischedure het d Burki als mit verschidene Orcheschter klassischi Alphorn-Konzärt as Solischti gspiilt.

Näben ihre Arbet as Musikeri het d Eliana Burki in ere Chinderklinik z Tafaas as freii Musiktheraputi gschafft. Mit ihrem Alphorn-Unterricht het si Chinder ghulfe, wu an Mukoviszidose lyyde. D Schnuuftächnik, wu si bruucht het, isch fir d Chinder hailsam gsii.[2]

d Eliana Burki bim Festival Bardentreffen z Nürnberg 2009

D Eliana un ihri Band sin wältwyt buecht fir Ufdritt buecht woore. Bsunderi Ufdritt het si ghaa bi dr Mannschaftsuuslosig zue dr Euro 2008 un as Botschafteri fir schwyzerischi Musik ghaa. Anne 2007 isch ihri CD Heartbeat uusechuu, wu mit em David Richards in dr Mountain Studios produziert woren isch. Anne 2011 isch s Album Travellin’ Root uusechuu, produziert vum John Boylan.

D Eliana Burki het z Soledurn un z Los Angeles gläbt. Am 24. April 2023 isch sim Alter vu 39 Johr an eme Hiirntumor gstorbe. Si het mit irem Partner, em US-Schriftsteller Blas Ulibarri, zwai chinder ghaa.[3]

Uuszaichnige[ändere | Quälltäxt bearbeite]

Weblink[ändere | Quälltäxt bearbeite]

 Commons: Eliana Burki – Sammlig vo Multimediadateie

Fueßnote[ändere | Quälltäxt bearbeite]

  1. Swissinfo
  2. Psychofonie PDF (Site cha nüme abgrüeft wärde; Suche im Webarchiv)[1] [2] Vorlage:Toter Link/www.psychofonie.ch
  3. Alphornistin Eliana Burki (†39) gestorben. In: Blick.ch. 26. April 2023, abgruefen am 26. April 2023.
  4. 39. PRIX WALO. In: Prixwalo.ch, abgruefen am 26. April 2023.
Dä Artikel basiert uff ere fräie Übersetzig vu dere Version vum Artikel „Eliana_Burki“ vu de dütsche Wikipedia. E Liste vu de Autore un Versione isch do z finde.