Eduard Amstad
Dr Eduard Amstad-Baumann (* 19. Merz 1922 z Beggäriäd, Kanton Nidwalden; † 12. Oktober 2015[1] ebedert) isch e Schwyzer Richter un Bolitiker (CVP) gsii.
Läben un Beruef[ändere | Quälltäxt bearbeite]
Dr Eduard Amstad isch dr Suhn vum Obergrichtsbresidänt Eduard Amstad un e Näffe vum Ständerot Josef Mariä Amstad gsii.
No dr Schueluusbildig an dr Gymnasie z Altdorf un z Stans isch dr Amstad anne 1942 in dr Zyt vum Zweete Wältchrieg in dr Militerdienscht drätte. Är isch zerscht in dr Infanterieschuel z Lozärn uusbildet un derno as Infanterischt yygsetzt wore.[2]
Noch eme Studium vu dr Rächtswisseschafte an dr Universitete Friburg, Züri un Lausanne un dr Promotion zum Doctor iuris an dr Universität Friburg anne 1949 isch dr Amstad in dr Richterdienscht yydrätte un het zerscht as Verherrichter gschafft. Vu 1952 bis 1976 het er as Rächtsaawalt gschafft.
Um die Zyt het er au ne bolitischi Laufbahn aagfange mit dr Wahl zum Mitglid vum Gmairot vu Beggäriäd, wun er vu 1952 bis 1958 aaghert het (ab 1955 as Gmaindsbresidänt). Derno isch er zum Mitglid vum Landrot vu Nidwalde gwehlt wore un het sällem bis anne 1962 aaghert. Im Johr 1962 isch er zum Regierigsrot gwehlt wore un isch em Juschtizdepartemänt vorgstande. Anne 1965 isch er au Autor vu dr Verfassig vum Kanton Nidwalde un dodermit vu aire vu dr erschte neie Kantonsverfassige gsii.[3]
Bi dr Wahle 1967 isch dr Amstad as Noofolger vum Werner Christen zum Verdrätter vum Kanton Nidwalden in dr Ständerot gwehlt wore un het dert d Inträsse vu Nidwalde bis zue syre Ablesig dur dr Norbert Zumbühl anne 1976 verdrätte. Derno het er bis anne 1987 as Bundesrichter am Eidgnessische Versicherigsgricht z Lozärn un vu 1987 bis 1992 as Ombudsmann vu dr Privatversicherige gschafft. Dr Amstad isch derzue zwische 1969 un 1982 un wider vu 1986 bis 1990 Bresidänt vum Stiftigsrot vu dr Höfli-Stiftig z Stans gsii.[4]
Syt syre Studiezyt isch dr Amstad Mitglid vu dr Studänteverbindig AV Fryburgia un dodermit vum Schwyzerische Studänteverain gsii.[5]
D Amstad isch ghyrote gsii mit dr Annette Baumann, ere Harpfespiileri.
Schrifte[ändere | Quälltäxt bearbeite]
- Der Ombudsman in der Privatversicherung. In: Schweizerische Versicherungs-Zeitschrift. Nr. 57, 1989, S. 98–110. Online-Fassig
Weblink[ändere | Quälltäxt bearbeite]
- Peter Steiner: Amstad, Eduard. In: Historisches Lexikon vo dr Schwiiz.
Fueßnote[ändere | Quälltäxt bearbeite]
- ↑ Eduard Amstad ist verstorben. In: Neue Luzerner Zeitung (online) vum 15. Oktober 2015.
- ↑ 2. Weltkrieg: Alt Bundesrichter war Zeitzeuge. Neue Luzerner Zeitung, 14. Augschte 2009. (Online nimi ufruefbar)
- ↑ Josef Achermann: Zur Geschichte der Römisch-Katholischen Landeskirche Nidwalden. 2000, PDF-Datei.
- ↑ Höfli-Stiftung Stans.
- ↑ Niklaus Duss (Hrsg.): Fryburgia 1918–1993, Freiburg i.Ue., 1993, S. 27.
|
Dä Artikel basiert uff ere fräie Übersetzig vu dere Version vum Artikel „Eduard_Amstad“ vu de dütsche Wikipedia. E Liste vu de Autore un Versione isch do z finde. |