Dominique Baettig

De Dominique Baettig

De Dominique Baettig (* 22. September 1953 z Dälschbärg, vo Rickebach) isch en Schwiizer Politiker und isch vo 2007 bis 2011 für d SVP im Nationalrot gsässe.

Politik

De Dominique Baettig isch de erschti Nationalrot us em Kanton Jura gsi vo de SVP, wo-n-er im 2007i gwäält worde-n-isch. Schwiizwit isch er bekannt worde, wo-n-er im 2010 en Vorstoss im Parlament unternoh het. S Ziil vo sim Vorstoss isch gsi, Regione, wo an d Schwiiz gränze, d Möglichkeit z biete, de Schwiiz bizträte. Konkret gnennt het er doderbi Bade-Württebärg, s Departement Jura, s Elsass, Südtirol, Aosta, Como und Vorarlberg. Sin Vorstoss het es grosses Medieecho usglöst und isch sehr kontrovers diskutiirt worde. Würklich ernscht gnoh het es aber (fascht) niemet.

Privats

De Baettig isch ghürote und het vier Chind. Vo Bruef isch er Psychiater.

Weblink

• Dominique Baettig uf dr Websyte vo dr Bundesversammlig