Diskussion:Schwabenkrieg

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Nach waa wörd eigentlich èn Chrièg benamst ? Im Fall vo demm Chrièg henn eidütig d Aidsgenossè èn Bürgerchrièg mit èm Hl. Römischè Reich dütscher Nation aagfangè. D Schwizer sin also d Aggressorè gsi. Mit èm lemma "Schwabenkrieg" han i è echts Brobleem. S mag è Wyli duèret haa, bis d Kuèschwizer kabyrt hèn, dass d Sauschwõbè im Albgau d Hosè aahän. Usser m Kloschter Schaffhuusè un dè Stadt Basel ( beidi 1501 ) hèn s denn abber alli voschtandè : dè Rhy isch d Gränz un guèt isch. Ich wart emol ab, wenn sich keiner weert, duèn i s Lemma änderè.

--fideli (Diskussion) 10:53, 15. Nov. 2013 (MEZ)
Bi de Schwizer isch s dr Schwoobechrieg, bi de Schwoobe dr Schwizerchrieg. Für mi as Baasler isch s dorum dr Schwoobechrieg und dorum han i das Lemma gnoo. Uf dr dütsche Wikipedia häisst s au eso. Wär genau dr Aggressor gsi isch, cha mä äigentlig nid sääge. Für d Schwizer uf jede Fall si s d Habsburger gsi, wo scho sit e baar Joorhundert brobiert häi, d Schwizer under iiri Chnutte z bringe. - Andi d (Diskussion) 11:18, 15. Nov. 2013 (MEZ)
Ich deet jetz s Lemma nit ändere. Ich haa jetz z. B. dr Uusdruck "Schwyzer Chrieg" fir dää Chrieg no nie ghert, ich haa immer nur dr Name "Schwobechrieg" ghert oder gläse. Ass eso ne Chrieg je no Perspektive andersch gnännt wird, cha mer jo scho noovollzie, wieso jetz do aber in dr Alemannische Wikipedia s "schwebisch Lemma" besser soll sy wie s "Schwyzer Lemma", wisst i au nit. D Frog isch doch scho, wele Name isch in dr Gschichtswisseschaft gängig.
Im Ibrige isch mer no nie ufgfalle, ass Chrieg ender noch em Aggressor gnännt wäre ...
--Holder (Diskussion) 11:34, 15. Nov. 2013 (MEZ)
Uf änglisch isch s dr Swabian War, uf franzöösisch Guerre de Souabe, uf spanisch Guerra Suaba, uf italiänisch Guerra sveva. i glaub, mr ligge scho richdig. Nume d Pole sägen em Wojna austriacko-szwajcarska, das häisst ööstriichisch-schwizerisch. - Andi d (Diskussion) 18:06, 15. Nov. 2013 (MEZ)
Und die Duskussion isch jetz scho lenger as s Ardikeli. - Andi d (Diskussion) 18:06, 15. Nov. 2013 (MEZ)

Trienge[Quälltäxt bearbeite]

Müesst das "am 17. hai d Eidgenosse Trienge näbe Waldshuet eroberet" nöd Tienge statt Trinege heisse? --Badener (Diskussion) 20:15, 11. Mär. 2014 (MEZ)

Ich haa s korrigiert zum richtige Name Düenge. --Holder (Diskussion) 20:31, 11. Mär. 2014 (MEZ)