Diskussion:Rote Fabrik (Basel)

Zwai Geböi

Wäni da richtig gläse han, so sind da zwai Geböi mit underschidliche Adrässe; d Fabrik, di hütigi Jugi und s ander isch e Villa, wo hüt Wohnige dinne sind. Wäni d Liste vo de Kulturgüeter in Baasel/Ostgroossbaasel dureluege, so gsieni au zwai Iiträg, Nr. 1658 und 1659, mit underschidliche Koordinate, aso underschidliche Standört. Wäni aber d Bilder aaluege, so hani s Gfühl, as da s gliiche Geböi isch, afach vonere andere Syte fotigrafiert. Cha mi do öper gnauer ufkläre. Gruess --Schofför (Diskussion) 11:34, 8. Nov. 2014 (MEZ)

Mach d Charte uf (druck uf s Vergröösserigsglass näbe de Koordinate). Stell die grössti Vergröösserig ii. An dr Dalbe-Vorstadt gseesch denn s Orientierigszäiche und oobe uf em es W: das isch s Diräkzionsgeböid gsi. E chli witer uufe uf dr Charte gseesch zwüschen em Dalbe-Kiirchräin und em Dalbe-Dyych s ehemoolige Fabrigggeböid, wo hüte d Jugi din isch. I glaub aber, ass bäidi Helge uf dr Liste vo de Kulturgüeter in Baasel/Ostgroossbaasel und uf dr Site vo dr Roote Fabrigg Bildli vo dr Jugi sin, s oobere sicher, uf däm cha mä nämlig s Abzäiche vo de Jugi über eme Fänster gsee und rächts uf dr Huuswand d Huusnummere 10. Bim undere Bild gseet mä e Bach, woorschinlig dr Dalbe-Dyych. Wäge däm han i uf dr Site vo dr Roote Fabrigg bäidi Fotene mit Jugendherbärg beschrifdet. - Andi d (Diskussion) 14:46, 8. Nov. 2014 (MEZ)

Danke för d Ergänzige im Artikel! Jetzt isch es klarer mit däne zwe Standört. Mit de Bilder bini aso richtig gläge, bedsmol d Jugi - es fähled i däm Fall Bilder vom andere Geböi. Gruess --Schofför (Diskussion) 05:06, 9. Nov. 2014 (MEZ)

Extärni Link gänderet

Sali Mitautore,

Ich haa 1 extärni Link uf Rote Fabrik (Basel) gänderet. Nämen ich bittschen e Momänt un luege no mym Edit. Wänn Ihr Froge hän, oder wänn dr Bot d Link oder di ganz Syte soll ignoriere, gehen bitte uf die FaQ-Syte fir mee Infiormatione. Ich haa die Änderige gmacht:

• s Archiv https://web.archive.org/web/20141122075958/http://www.ri-ag.ch/01_wohnen_03.html in http://www.ri-ag.ch/01_wohnen_03.html yygfiegt

Wänn Ihr fertig sin mit em dureluege vu myne Änderige, chennen er no dr Aawysige in dr Vorlag unte no Fähler flicke.

Cheers.—InternetArchiveBot (Fehler melden) 08:30, 16. Feb. 2020 (MEZ)