Diskussion:Klettgau (Gemeinde)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Alemannischè Nammè[Quälltäxt bearbeite]

Mit èm Nammè Chläggi für d Gmeind um Ärzingè ummè bzw, d Region zwǜtschgè Düèngè un Ärzingè odder Dettighoffè han i è Brobleem, well dè Uusdrugg fürs Klettgau nu im Obber-Chleggau asè bruucht wörd, sell bedütet, vo Tradingè uèzuès bis zu dè Beringer Èngi, also dört, wo s Klettgau uff Schaffhuuser Boddè lyt. S isch möglich, dass mò im Jeschtettemer Zipfel (inkl. Dettighoffèmer Schluuch) au èso sait, well mò dört vom Dialèkt hèr braktisch i dè Oschtschwizer Isoglossè deheim isch, un èbbè nit i dè Südschwarzwälder Isoglossè, wo mò abber hundertbrozèntig i dè Gmeind Chleggau bruucht, ergo heisst s z Ärzingè ganz sicher nit Chläggi, sondern Chleggau odder Kleggau. En dütlichs Indiz sellèwäg isch au dè Nammè vo dè Narrèvoeinigung im öschtlichè Chreis Waldshuèt, selli nennt sich nämlich offizièll Kleggau-Narrenvereinigung. Chläggi wörd tatsächlich schu im Nõchbordorf vo Ärzingè, z Tradingè SH asè bruucht, abber èrscht ab dè Staatsgränz. --fideli (Diskussion) 13:22, 7. Jul. 2015 (MESZ)

Ich glaub, wänn Du des eso chännsch, no cha mer dr Name im Artikel rueig uf Chleggau ändere, dr W-j-s, wu dr Artikel vu urspringli Chlettgau uf Chläggi gänderet het, isch schließli au nit us dr Region. --Holder (Diskussion) 14:17, 7. Jul. 2015 (MESZ)

Sorry Holder, abber jetzt hèts mò kei Ruè mee glòò, ich ha müèsè bi dè Ortsnämmè aagriifè. Ich gang no mit dè Ersetzè-Funktion drübber un bièg s uff Chleggau-Dütsch. Bi Gißlingè hört dè Schpass uff :-) (nit signierte Bytrag vum Fideli, 10:49, 6. Sep. 2016‎)