«D Drojanerinne» vom Euripides

D Drojanerinne (Τρῳάδες) si e Dragöödie vom antike griechische Dramatiker Euripides. S Stück isch 415 wääred em Peloponnesische Chrieg verfasst worde und wird mänggisch as Kommentar aagluegt drüber, wie Athen in däm Joor die egeischi Insle Milos erooberet und iiri Iiwooner umbrocht het. Es isch au mööglig ass d Schändig vo de Herme in däm Joor und dr zwäiti Chriegszuug vo de Athener gege Sizilie en Iifluss uf en Euripides ghaa häi.

D Drojanerinne si dr dritti Däil von ere Trilogii, wo sich mit em Droijanische Chrieg befasst. Mit dere Trilogii (Alexandros, Palamedes und D Drojanerinne) und em Satyrspiil Sisyphos het dr Euripdides dr zwäit Briis bi de Dionysie gwunne.

Im Stück chömme die gliiche vier drojanische Fraue vor wie im letschte Buech vo dr Ilias, wo über em Liichnaam vom Hektor druure.

Fuessnoote

Dä Artikel basiert uff ere fräie Übersetzig vum Artikel „The_Trojan_Women“ vu de änglische Wikipedia. E Liste vu de Autore un Versione isch do z finde.