Die Pest

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Disambig.svg Dä Artikel isch über e Roman vom Albert Camus. Für anderi Bedütige vom Begriff «Pest» lueg doo.

Die Pest (franz. La Peste) isch e Roman vom Albert Camus us em Joor 1947.

S Buech isch im Juni 1947 uusechoo und isch glii e groosse Erfolg gsi. S Wärk isch äine vo de bedütendste Romään vo dr Résistance und vo dr franzöösische Noochchriegslitratuur. Es ghöört zum Allgemäinguet vo dr öiropäische Kultur und isch uf dr ganze Wält berüemt. Bsundrigs z Frankriich ghöört s zur Pflichtlektüre an de Schuele.

Dr Hindergrund vom Wärk si im Camus sini persöönlige Erfaarige – bsundrigs die us em Zwäite Wältchrieg. Die Pest isch e Reflexion us eme distanzierte Blickwinkel über e Widerstand vo de Mensche gege füüsischi und moralischi Zerstöörig. Gliichzitig isch sis Thema e wichdige Bestanddäil vom Camus sinere Filosofii: d Usenandersetzig mit dr Absurdidäät. Wil d Gschicht wie e Drama in fümf Akt iidäilt isch, isch s Wärk vilerorts as Theaterstück ufgfüert worde.

Inhalt[ändere | Quälltäxt bearbeite]

En Erinnerigsdaafele uf em Library Walk z Nöi York mit eme Satz us em Buech

Dr Camus beschribt dr Lauf von ere Pestsüüchi in dr Stadt Oran an dr algerische Küste us dr Sicht vo dr Hauptfigur Dr. Bernard Rieux, wo mä von em am Ändi vom Roman uusefindet, ass äär dr «Verfasser vo dr Chronik» isch. D Gschicht foot im Joor „194…“ aa. E baar dooti Ratte und ein baar harmlosi Fäll von ere umbekannte Chrankhet stöön am Aafang von ere schrecklige Pestepidemii, wo wäg ere die ganzi Stadt in Usnaamzuestand chunnt, si vo de Ussewält abschottet und meereri duusig Doodesopfer forderet. D Pest bedroot die menschligi Existänz vo dr Bevölkerig und wird eso zu iirem gmäinsame Gegner. Jede weelt si äigeni Art, wien er gege dr Schwarz Dood kämpft. Für e Rieux as Arzt isch das wie d Aarbet vom Sisyphos, und es chunnt zwüschen iim und em Pater Paneloux zum e Komflikt, wil dä d Pest as Stroof vo Gott gseet zum dr Mensch z züchdige.

S Absurde begläitet alles und jeede. Unschuldigi Chinder stärbe genauso wie Mensche, wo s verdient hätte. Mä cha aber au gsee, ass d Pest Mensche ooni Solidaridäät umbringt.

Litratuur[ändere | Quälltäxt bearbeite]

Primär
Sekundär
  • Klaus Bahners: Albert Camus, Die Pest. Darstellung und Interpretationen. Joachim Beyer, Hollfeld 2000.
  • Frauke Frausing-Vosshage: Albert Camus, Die Pest. Königs Erläuterungen und Materialien, 165. C. Bange Verlag, Hollfeld 2004, ISBN 978-3-8044-1799-1 Au as E-Book, PDF bim Verlag (Vorgänger: Edgar Neis, Erläuterungen zu Albert Camus' Die Pest, Der Mythos von Sisyphos, Der Mensch in der Revolte. 5. Uflaag. 1977, zletscht 1996, ebd., ISBN 3-8044-0202-X).
  • Bernd Lutz, Hrsg.: Metzler Philosophen Lexikon. Dreihundert biographisch-werkgeschichtliche Porträts von den Vorsokratikern bis zu den Neuen Philosophen. J. B. Metzlersche Verlagsbuchhandlung, Stuttgart 1989.
  • Stefan Neuhaus: Grundriss der Literaturwissenschaft. 2. Uflaag, A. Francke Verlag, Tübinge 2005.
  • Knut Nievers: Art. La Peste, in Kindlers Neues Literaturlexikon, Münche 1996 ISBN 3463432005. Reprint Komet, 2001, ISBN 3-89836-214-0. Auf CD-Rom: United Soft Media, ISBN 3-634-99900-4.
  • Emmett Parker: Albert Camus. The Artist in the Arena. University of Wisconsin Press. Madison, Milwaukee & London 1966.
  • Brigitte Sändig: Albert Camus. Rowohlt, Reinbek 1995.
  • Marie-Laure Wieacker-Wolff: Albert Camus. Reihe: dtv portrait. Deutscher Taschenbuch-Verlag, München 2003, ISBN 3-423-31070-7 (Biografii).
  • Olivier Todd: Albert Camus. Une vie. Reihe Nouvelle Revue Française (NRF) Biographies. Gallimard, Paris 1996.
Information icon.svg Dä Artikel basiert uff ere fräie Übersetzig vum Artikel „Die_Pest“ vu de dütsche Wikipedia.

E Liste vu de Autore un Versione isch do z finde.