D Kunst vom Chrieg vom Sunzi

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dr Aafang vo Über d Chriegskunst im ene klassische Bambusbuech

D Kunst vom Chrieg (chin. 孫子兵法, Sūnzǐ bīngfǎ „Sun Zi über d Chriegskunst“) vom Sunzi gältet as s früeste Buech über Strategii und isch bis hüte äins vo de bedütendste Wärk über das Thema. Au hüte no wird s vo ostasiatische Manidscher und Milidäärstratege uf dr ganze Wält glääse. S eltiste Exemplar vom Wärk, wo mä kennt, stammt us dr Zit vo dr Han-Dünastii (206 v. d. Z. - 220 n. d. Z.)

Dr Inhalt[ändere | Quälltäxt bearbeite]

S Buech beschribt, wie mä alli Middel, wo äim zur Verfüegig stöön, mit dr richdige Flexibilidäät muess iisetze, zum e Ziil z erräiche. S Buech isch in 13 Kapitel und 68 These iidäilt und behandlet die underschidligste Aspäkt, wie mä e Chrieg vorberäited und füert und d Raamebedingige drfür.

D Ditel vo de Kapitel noch em James Clavell sinere Übersetzig und (in Chlammere) vom Zhong Yingjie si:

  1. Blaanig (Strategii)
  2. Über d Chriegskunst (Chriegsfüerig)
  3. S Schwärt in dr Schäide (Aagriff mit Strategii)
  4. Taktik (Disposizioon vo dr milidärische Chraft)
  5. Energii (S Usnütze vo dr Chraft)
  6. Schwachi und starki Pünkt (Schwechene und Sterkene)
  7. Manöver (Dr Kampf um d Iniziative)
  8. Taktischi Wariante (Nün verschidnigi Taktike)
  9. D Armee uf em Marsch (Marsch)
  10. Terrää (Gländ)
  11. Die nüün Situazione (Nüün Wariante vo de Gebiet)
  12. Aagriff dur Füür (Füüraagriff)
  13. Dr Iisatz vo Spion (Iisatz vo Spion)

D Strategii, wo dr Sunzi befürwortet, het zum Ziil, dr Gegner zerst dur taktischi, wo mööglig gwaltloosi, Maasnaame z schweche und denn vollständig und für immer z vernichde, denn nume eso chönn mä d Vernichdig vom äigene Volk verhindere.

Im Sunzi si Buech isch im Gegesatz zum Vom Kriege vom Carl von Clausewitz eender dünn, säit aber grad so vil us. Dr Sunzi verzichtet druf, alles z begründe und git sine Aasichte d Form vo Postulat und Aforisme, was em tüpisch chinesische Stil entspricht. S Buech isch ganz klar vom Daoismus beiiflusst, dr Daodejing vom Laozi stammt us öbbe dr gliiche Zit.

Litratuur[ändere | Quälltäxt bearbeite]

  • Sunzi: Über die Kriegskunst, Sun Bin: Über die Kriegskunst, in dr Übersetzig vom Zhong Yingjie, Verlag Volkschina. ISBN 7-80065-508-3
  • Wee Chow Hou: Sun Zi Art of War: An Illustrated Translation with Asian Perspectives and Insights. Prentice-Hall, Pearson Education, Singapur 2003, ISBN 0-13-100137-X.
  • Bruno Navarra: Das Buch vom Kriege: der Militär-Klassiker der Chinesen – mit Bildern nach chinesischen Originalen. Boll und Pickardt, Berlin 1910; as Hörbuech: Sun Tzu: Die Kunst des Krieges – Der Klassiker der Konfliktstrategie. vocalbar-Verlag, 2006, mit ere Iiläitig vom Dr. Jörg Lehmann, Sprächer: Uwe Neumann. Audio-CD, Laufzit 62 min., ISBN 3-939696-00-5.
  • Ssun-ds’: Traktat über die Kriegskunst. Verlag des Ministeriums für Nationale Verteidigung, Berlin (DDR) 1957.
  • Sun Tzu, Günter Maschke (Hrsg.): Die dreizehn Gebote der Kriegskunst. Rogner & Bernhard, 1974.
  • Sunzi: Die Kunst des Krieges. Droemersche Verlagsanstalt Th. Knaur Nachf., 1988, ISBN 3-426-66645-6
  • Sun Tsu, Thomas Cleary (Hrsg.): Wahrhaft siegt, wer nicht kämpft. Die Kunst des Krieges. Piper, 2001, ISBN 3-492-23330-9
  • Sun Tsu: Über die Kriegskunst. Übersetzig vom Klaus Leibnitz, Karlsrue, 1989, ISBN 3-88190-038-1
  • Roger T. Ames: Sun-Tzu The Art of Warfare – Translated with an Introduction and Commentary. Ballantine, Nöi York 1993, ISBN 0-345-36239-X.
  • Sun Zi: Die Kunst des Krieges. Die nöiji illustrierti Usgoob vom amerikanische Milidärhistoriker Samuel B. Griffith (Evergreen), ISBN 3-8228-5650-9.
  • Alastair Iain Johnston: Cultural Realism. Strategic Culture and Grand Strategy in Chinese History. Princeton 1998.
  • Stefan Moch: Fernöstliche Kriegsstrategien für westliche Manager. IGEL Verlag, Hamburg, ISBN 978-3-86815-046-9.
  • Harro von Senger (Hrsg.): Meister Suns Kriegskanon. Reclam Verlag, Stuttgart, ISBN 978-3-15-018841-5.
  • Sunzi, Volker Klöpsch (Übers.): SUNZI Die Kunst des Krieges. Insel Verlag, Frankfurt am Main/Leipzig 2009, ISBN 978-3-458-35116-0.

Weblingg[ändere | Quälltäxt bearbeite]

 Commons: Sunzi – Album mit Multimediadateie
Information icon.svg Dä Artikel basiert uff ere fräie Übersetzig vum Artikel „Die_Kunst_des_Krieges_(Sunzi)“ vu de dütsche Wikipedia.

E Liste vu de Autore un Versione isch do z finde.