Dütschi Mark
| Dütschi Mark | |
|---|---|
| Land/Länder |  Dytschland
|
| Underdeilig | 100 Pfennig |
| Abchürzig | DM |
| Abchürzig (ISO-4217) | DEM |
| Wechselkurs (unveränderlige Kurs) |
1 EUR = 1,95583 DEM 1 DEM = 0,51129 EUR |
| Im Umlauf | 1950 bis 2002 |
| Chleinsti Münze | 1 Pfennig |
| Gröschte Schyn | 1000 Mark |
Die Dütschi Mark (umgangssprochlich D-Mark, Mark) isch e ehemoligi dütschi Währig.
Gschicht
[ändere | Quälltäxt bearbeite]Münze
[ändere | Quälltäxt bearbeite]Noch em Änd vom Zweite Wältchrieg hät mer z. D. Zigarette, Schoggi und Kaffi als Ersatzwährig gnoh. Mit de Währigsreform isch di dytschi Mark als eiheitligi Währig für Westdütschland entstande.[1] Am 8.9.1950 sin die erschte D-Mark-Münze zu 1, 2, 5, 10, 50 Pfennig und 1 DM prägt worde, wo ihr Usseh bis zu de Yfiehrig vom Euro nümmi verändert hän. 1951 isch s erschte 2-Mark-Stück prägt worde, wo dörtmols no de 1-Mark-Münze ähnlig gsi, 1957 aber durch e anderi Version ersetzt worre isch. 1969 hät mer no mol e neus ygfiehrt. Uff de Rucksite sin je noch Prägigsort anderi Persone abbildet gsi:
- bis 1969: Max Planck
- ab 1969: Theodor Heuss
- ab 1979: Kurt Schumacher
- ab 1988: Ludwig Erhard
- ab 1990: Franz Joseph Strauß
- ab 1994: Willy Brandt
Die erschti Münze zu 5 Mark isch 1951, sällemols uss Silber, usege worde. 1975 hät mer si durch e anderi Münze ersetzt, wyl s Silber z dür worre isch.[2]
Uff de Münze isch je noch Prägeort e andere Büechstabe z seh:
A = Berlin
D = Münche
F = Stuttgart
G = Karlsrüeh
J = Hamburg
Schyn
[ändere | Quälltäxt bearbeite]1961 sin neui Schyn, wo meh "dütsch" usgseh hän, ygfiehrt worre. Zwüsche 1989 und 1992 hät mer no mol neui Schyn druckt, wyl sälli fälschigssicherer gsi sin.[2]
1990 bis 2002
[ändere | Quälltäxt bearbeite]Mit de dütsche Währigsunion isch d D-Mark au in de DDR gültig worre. Die friehneri Währig, d DDR-Mark, wird abgschafft.
1999 ersetzt de Euro d D-Mark als Büechgeld, ab 2002 wird er d Währig vo de EU.[1] D Banke dusche bis Änd Februar zum Wechselkurs 1 Euro = 1,95583 DM um, spöter sin sie nümmi dezüe verpflichtet. D Landeszentralbank duscht noch wie vor D-Mark gebührefrei um, datsächlig sin aber am 30.11.2005 immer no 15,05 Milliarde DM im Umlauf gsi; e kleine Deil devo wahrschínts z Osteuropa. Au im Einzelhandel isch d D-Mark immer no präsänt. So ka mer z. B. bi C&A sit Änd Novämber 2005 widder demit zahle.[3]
Münze
[ändere | Quälltäxt bearbeite]| Beschrybige vo de Münze[4] | ||||
| Wert | Material | Durchmässer [mm] | Dicki [mm] | Gwicht [g] |
| 1 Pfennig | Kupfer mit Stahlkern | 16,50 | 1,38 | 2,00 |
| 2 Pfennig (bis '68) |
Kupfer-Zinn-Zink-Legierig | 19,25 | 1,52 | 3,25 |
| 2 Pfennig (ab '68) |
Kupfer mit Stahlkern | 2,90 | ||
| 5 Pfennig | Messing mit Stahlkern | 18,50 | 1,70 | 3,00 |
| 10 Pfennig | Messing mit Stahlkern | 21,50 | 1,70 | 4,00 |
| 50 Pfennig | Kupfer-Nickel-Legierig | 20,00 | 1,58 | 3,50 |
| 1 Mark | Kupfer-Nickel-Legierig | 23,50 | 1,75 | 5,50 |
| 2 Mark (bis '58) |
Kupfer-Nickel-Legierig | 25,50 | 1,87 | 7,00 |
| 2 Mark (ab '58) |
Kupfer-Nickel-Legierig | 26,75 | 1,79 | |
| 5 Mark (bis '75) |
Silber-Kupfer-Legierig | 29,00 | 2,07 | 11,20 |
| 5 Mark (ab '75) |
Kupfer-Nickel-Legierig | 10,00 | ||
Schyn
[ändere | Quälltäxt bearbeite]| Beschrybige vo de Schyn | ||
| Wert | Vordersíte | Rucksíte |
| 5 DM | D Bettina vo Arnim, im Hindergrund historischi Gebäude vo Berlin und s Güet Wiepersdorf. Farb: Hellgrien. |
Brandeburger Tor |
| 10 DM | De Carl Friedrich Gauß, dehinder historischi Gebäude vo Göttinge und die gauß'schi Glockekurve. Farb: dunkels Violett |
E Sextant und e Netzbild vo de Landesvermessig vo Hannover vom C.F. Gauß. |
| 20 DM | D Annette vo Droste-Hülshoff, im Hindergrund historischi Gebäude vo Meerschburg. Farb: grien |
E Schribfäder und e Büeche. |
| 50 DM | De Balthasar Neumann, im Hindergrund historischi Gebäude vo Würzburg. Farb: brun |
Treppehus vo de Würzburger Residenz und im Längsschnitt d Benediktiner-Abteikirch Neresheim |
| 100 DM | D Clara Schumann, im Hindergrund Gebäude vom alte Leipzig. Farb: hellblau |
E Konzertflügel und s Hoch'sche Konservatorium (Frankfurt) |
| 200 DM | De Paul Ehrlich, im Hindergrund historischi Gebäude vo Frankfurt am Main. Farb: orange |
E Mikroskop. |
| 500 DM | D Maria Sibylla Merian, im Hindergrund historischi Gebäude vo Nürnberg. Farb: rosa |
E Löwezahn, e Raupe und e Falter vom Graue Streckfüeß. |
| 1000 DM | De Wilhelm und de Jacob Grimm, im Hindergrund historischi Gebäude vo Kassel. Farb: dunkelbrun |
S "Dytsche Wörterbüech" und die Königlichi Bibliothek z Berlin. |
Sicherheitsmerkmol sin gsi:
- D Blindeschrift
- S spezielle Babyr
- De Hologrammstreife uff em 50er, 100er und 200er
- S Wasserzeiche
Rechtligs
[ändere | Quälltäxt bearbeite]D Hoheit über d Banknote und d Festlegig vo de Umlaufmengi isch bi de Dytsche Bundesbank (Frankfurt am Main) gläge. D Münze werre aber vom Bundesfinanzministerium usege und d Ynahme falle sällem züe.
Bilder vo allne Münze (jewyls letschti Úßgabe) und Schyn (Serie 4)
[ändere | Quälltäxt bearbeite]-
1 Pfennig -
2 Pfennig -
5 Pfennig -
10 Pfennig -
50 Pfennig -
1 Mark -
2 Mark -
5 Mark ab 1975 -
50 DM
Weblink
[ändere | Quälltäxt bearbeite]Quelle
[ändere | Quälltäxt bearbeite]- ↑ 1,0 1,1 www.die-d-mark.de
- ↑ 2,0 2,1 sammler.com
- ↑ Wikinews
- ↑ www.bundesbank.de Archivlink (Memento vom 12. Juni 2008 im Internet Archive)