Coelestin IV.

Us der alemannische Wikipedia, der freie Dialäkt-Enzyklopedy
dr Coelestin IV., Darstellig us em 19. Jh. in dr Basilika Sankt Paul vor dr Muure

Dr Coelestin IV., aigetli Goffredo di Castiglione, (* im 12. Johrhundert z Mailand; † 10. Novämber 1241 z Rom) isch im Johr 1241 fir 17 Däg Papscht gsii. Dr Näffe vum Urban III. isch am 25. Oktober 1241 as Noofolger vum Gregor IX. gwehlt wore, wu im hoche Alter gstorben isch.

Lääbe[ändere | Quälltäxt bearbeite]

Dr Coelestin isch vu Mailand gsii, wun er vu 1223 bis 1226 Chanzler vum Erzbischdum gsii isch. Syt em 18. Septämber 1227 isch er Kardinalprieschter vu San Marco z Rom ugsii un syt 1238 Kardinalbischof vu Sabina.

Dr Coelestin IV. isch dr erscht PApscht gsii, wu in eme Konklave vu dr Kardinäl gwehlt woren isch. Dr remisch Senator Matteo Rosso Orsini het d Kardinäl im Septasolium feschtsetze loo. Ain vu dr Kardinäl isch wäg dr extreme Hitz un dr kataschtrofale hygienische Umständ gstorbe. Ainewäg hän si d Kardinäl erscht no lengerer Zyt uf dr grais Kardinal Goffredo Castiglione chenne ainige.

Sy Wahl zum Papscht uf uf Drybe vu sällene Kardinäl chuu, wu d Chilche hän welle versehen mit em Chaiser Friedrich II., wu mit em Gregor IX. hoffnigslos verfyndet gsii isch.

Dr Coelestin IV. isch, gschwecht dur s Konklave, am 10. Novämber 1241 no 17 Däg gstorbe, no voreb er het chenne gchrent wäre. Sy Noofolger isch noch ere zwaijehrige Sedisvakanz dr Innozenz IV. wore, dodermit isch d Versehnigsbolitik zwische Rych un Kurie zum Änd chuu.

Literatur[ändere | Quälltäxt bearbeite]

  • Agostino Paravicini Bagliani: Celestino IV. In: Alberto M. Ghisalberti (Hrsg.): Dizionario Biografico degli Italiani (DBI). Band 23 (Cavallucci–Cerretesi), Istituto della Enciclopedia Italiana, Rom 1979, S. 398–402 (italienisch).
  • Agostino Paravicini Bagliani: Coelestin IV. In: Lexikon des Mittelalters (LexMA). Band 3, Artemis & Winkler, Münche/Züri 1986, ISBN 3-7608-8903-4, Sp. 7.
  • Agostino Paravicini Bagliani: Celestino IV. In: Massimo Bray (Hrsg.): Enciclopedia dei Papi. Band 2: Niccolò I, santo, Sisto IV. Istituto della Enciclopedia Italiana, Rom 2000, S. 380–384 (treccani.it)..
  • Friedrich Wilhelm Bautz: COELESTIN IV. In: Biographisch-Bibliographisches Kirchenlexikon (BBKL). Band 1, Hamm 1975, Sp. 1078–1079.
  • Thomas Shahan: Pope Celestine IV. In: Catholic Encyclopedia, Robert Appleton Company, New York 1913 (änglisch)

Weblink[ändere | Quälltäxt bearbeite]

 Commons: Coelestin IV. – Sammlig vo Multimediadateie
  • Coelestin IV., In: Salvador Miranda: The Cardinals of the Holy Roman Church, online uf fiu.edu, Websyte vu dr Florida International University, abgruefen am 20. November 2011. (änglisch)
  • Yytrag zue Coelestin IV. uf catholic-hierarchy.org (englisch)
Dä Artikel basiert uff ere fräie Übersetzig vu dere Version vum Artikel „Coelestin_IV.“ vu de dütsche Wikipedia. E Liste vu de Autore un Versione isch do z finde.