Bieri Christoph

Us der alemannische Wikipedia, der freie Dialäkt-Enzyklopedy
de Bieri Christoph bim Schwingfäscht uf de Baldegg

De Bieri Christoph (* 18. November 1985) isch en Schwiizer Schwinger. Er het e Körperlängi vo 189 cm und es Gwicht vo 110 kg. Bisher het er 77 Kränz gwunne, dodervo drü Eidgnössische, 15 vo Teilverbänd, 14 Bergkränz und 45 Kantonali.

Schwinge[ändere | Quälltäxt bearbeite]

De Bieri Christoph het im 2003 sin erschte Kranz gwunne und het sither bi 48 Schwingerfäscht gwunne, dodervo bi 20 Krantzfäscht und bi 28 Regionalfäscht. Er ghört zum Schwingerclub Bade-Brugg.

Privats[ändere | Quälltäxt bearbeite]

Ufgwachse isch de Bieri Christoph im Wiler Steinebüehl uf eme Buurehof, wo zu de Gmeind Undersiggetal ghört. Scho sin Vater, de Bieri Max, isch en aktive Schwinger gsi. Nach de Schuel het er e Lehr zum Laschtwagemech gmacht und drü Johr uf em Bruef gschaffet. Sit em 2009 isch er Product Manager bi de Bucher AG z Langetal.

Weblink[ändere | Quälltäxt bearbeite]

 Commons: Christoph Bieri – Sammlig vo Multimediadateie