Christine Tröstrum
| Dialäkt: Undermarkgreflerisch |
D Christine Tröstrum (* 1. Jänner 1972 z Raveschburg; † 9. Oktober 2024 z Belo Horizonte[1][2]) isch e dytschi Mänätscheri in dr Filmbrangsche gsii.
Lääbe un Beruef
[ändere | Quälltäxt bearbeite]D Christine Tröstrum het z Berlin Kultur- un Theaterwisseschaft / Kulturälli Kommunikazioon studiert un het au no ne Qualifikazioon as sischteemischi Berooteri fir Organisazioonsentwicklig un Veränderigsmänätschmänt gmacht.[3]
Bis 2000 het si fir verschiideni Filmfeschtiwäl z Marseille, z Dibenga un z Augschburg gschafft. Zuesätzli isch si zwische 1998 un 2000 Projäktmänätscheri bim Europäische Filmzäntrum z Babelsberg. Unter anderem het si deert s Pilootprojäkt CyberCinema glaitet. Deert isch s um en eläktroonische Kopieversand un di eläktroonisch Verdailig vu europäische Film iber Satellite in Filmtheater gange.[4]
Zwische 2000 un 2005 isch si bim Medienboard Berlin-Brandenburg fir d Medienwoche (hite Media Convention) verantwoortli gsii, un bis 2004 isch si Projäktlaiteri fir Cartoon Movie gsii, dr europäisch Koprodukzioänsmäärt fir Animazioonsfilm z Babelsberg.[3]
Vu 2004 bis 2023 het si im Rame vu dr Internazionaale Filmfeschtspiil Berlin fir Berlinale Talents gschafft . Im Septämber 2008 het si d Gsamtlaitig ibernuu, wu si si ab 2014 mit em Brogrammlaiter Florian Weghorn dailt het.[3] Si het d Dachmaarke Berlin Film Residencies mit iniziiert, wu vu dr Berlinale as Kooperazioonspaartneri unterstitzt wird. Kooperazioone mit em Uusland sin ere bsundersch wiichtig gsii. Doodrus sin d Talents-International-Brogramm z Sidafrika (Talents Durban), dr araabische Wält (Talents Beirut) un z Sidoschteuropa un em siidlige Kaukasus (Talents Sarajevo) entstande, wu in Kooperazioon mit andere Filmfeschtiwäl stattfinde. S Talents-Guadalajara-Brogramm fir Mexiko git s syter 2008.[5] Anne 2011 isch z Tokio zum eerschte Mool bim Filmfeschtiwäl TOKYO FILMeX dr Talänt Campus Talents Tokio fir junge asiaatischi Filmmacher aabote woore. Där het d Christine Tröstrum fir d Berlinale zäme mit japaanische Kooperazioonspaartner iniziiert ghaa.[6]
In Kooperazion mit em Durban FilmMart Institute z Sidafrika un dr DW Akademie Christine Tröstrum 2022/23 in eme Co-Creation Prozöss zäme mit afrikanische Filmschaffende ne Future Mentor's Guide – Relections on the Professional Practice of Mentoring in Film entwicklet.
Ab 2021 isch si gschäftsfierendi Gsellschafteri bi biniasz und partner gsii, zäme mit em Thomas Biniasz un dr Janka Magerkurth. Ab Oktober 2023 het si bi biniasz und partner Vollzyt as Beroteri, Coach un Traineri gschafft, näbe 1:1 Coachings vor allem fir Inschtituzione, Verain, Stiftige un Feschtiwäl in dr Film- un Kulturbrangsche. Zäme mit dr Christine von Fragstein het si 2024 d Offensiv FAIR PLAY – New Leadership in Film und Kultur grindet. Mit em Dieter Kosslick het si 2024 an Green Visions Potsdam – Filmfestival für nachhaltiges Leben gschafft.
Weblink
[ändere | Quälltäxt bearbeite]- Christine Tröstrum in dr Internet Movie Database
- Interview mit dr Christine Tröstrum zum Berlinale-Talent-Campus bi dr Berlinale, 2010
Fueßnote
[ändere | Quälltäxt bearbeite]- ↑ Traueranzeige in der Süddeutschen Zeitung vom 8. November 2024, abgerufen am 8. November 2024
- ↑ Dieter Kosslicks Nachruf auf Christine Tröstrum: „Eine gute Seele“. In: Blickpunkt Film. 13. Oktober 2024, abgruefen am 1. November 2024.
- 1 2 3 Christine Tröstrum. Abgruefen am 29. November 2021.
- ↑ CyberCinema – Kino elektronisch | FKTG – Fernseh- und Kinotechnische Gesellschaft. Abgruefen am 4. Dezember 2021.
- ↑ « LatAm cinema » Christine Tröstrum, co-directora general de Berlinale Talents. Abgruefen am 4. Dezember 2021.
- ↑ Berlinale Talent Campus 2012 | filmportal.de. Abgruefen am 4. Dezember 2021.
 |
Dä Artikel basiert uff ere fräie Übersetzig vu dere Version vum Artikel „Christine_Tröstrum“ vu de dütsche Wikipedia. E Liste vu de Autore un Versione isch do z finde. |