Chlodio

Us der alemannische Wikipedia, der freie Dialäkt-Enzyklopedy
Chlodio
König vo de Salfranke
Regierigsziit im zweite Viertel vom 5. Johrhundert
Vorgänger Faramund
Nochfolger Merowech

Dr Chlodio isch der erst König vo de Salfranke, wo me dr Name von em kennt. Er het im zweite Viertel vom 5. Johrhundert gregiert.

Si Hauptsitz het dr Chlodio z Dispargum (mögligerwiise Duisburg östlig vo Brüssel gha[1] oder Duisburg[2]). Noch ere Agob vom Gschichtsschriiber Gregor vo Tours isch er mit em König Merowech, em Grossvater vom Chlodwig I. verwandt gsi; noch dr Fredegar-Chronik isch dr Chlodio dr Vater vom Merowech gsi, was aber zwiifelhaft isch. Zwüsche 440 und 450 isch er vom weströmische magister militum Flavius Aëtius im Gebiet vo Arras bim ene Überraschigsagriff vo de Römer besiigt worde; über e römische Erfolg git s e Bricht vom Dichter Sidonius Apollinaris. Dä Rückschlag het aber nüt an der fränkische Landnohm gänderet. D Franke si vo de Römer as Foederate anerkennt worde. Si hai mit Cambrai und Arras s Land bis zur Somme bsetzt. Dr Gregor vo Tours het dr Chlodio globt as e König, wo düchtig und under siim Volk sehr vornähm gsi siig.[3]

Literatur[ändere | Quälltäxt bearbeite]

  • Erich Zöllner: Geschichte der Franken bis zur Mitte des sechsten Jahrhunderts. München 1970.
  • Karl Hauck: Lebensnormen und Kultmythen in germanischen Stammes- und Herrschergenealogien. In: Saeculum, 6, 1955, S. 186–223.

Fuessnote[ändere | Quälltäxt bearbeite]

  1. Für die Lokalisierig lueg Wenskus, Artikel "Chlodio", in: RGA 4, S. 477 ein; si isch aber umstritte.
  2. Für Duisburg plädiert dr Joseph Milz, "Neue Erkenntnisse zur Geschichte Duisburgs" In: Duisburger Forschungen, Bd. 55, 2008.
  3. Gregor vo Tours, Historiae 2,9.
Dä Artikel basiert uff ere fräie Übersetzig vum Artikel „Chlodio“ vu de dütsche Wikipedia. E Liste vu de Autore un Versione isch do z finde.