Childerich II.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Childerich II.
König vo de Franke
Portrait Roi de france Childéric II.jpg
E Fantasiibild vom Childerich II. vom Jean Dassier (1676-1763).
Regierigsziit662 bis 675 z Austrasie
vo 673 bis 675 im ganze Riich
Uf d Wält choöbbe 655
GstorbeHerbst 675
Dodesortim Wald vo Livry bi Chelles
BegrabeSt. Germain-des-Prés, Paris
VorgängerChildebertus adoptivus, Austrasie
Theuderich III., Neustrie und Burgund
DronfolgOhni Sohn gstorbe
NochfolgerSi Brueder Theuderich III.
Verhürotet mitBilchilde
NochkommeDagobert, Chilperich II.
Kgl. HuusMerowinger
VaterChlodwig II.
MueterBalthild

Dr Childerich II. (* um 655; † Herbst 675, ermordet), isch e merowingische Frankekönig gsi, vo 662 bis 675 z Austrasie, vo 673 bis 675 im ganze Riich.

Verwandtschaft[ändere | Quälltäxt bearbeite]

Dr Childerich isch dr jünger Sohn vom Frankekönig Chlodwig II. und dr Balthild gsi. Zwüschen em 18. Oktober und em 9. Dezember 662 het er d Bilchild, d Dochter vom König Sigibert III. ghürotet. Das het im Bischof Léger d'Autun, wo im Childerich si spirituelle Beroter gsi isch, nit gfalle. Er het 674 dr König kritisiert und dä het en im Chloster Luxeuil iigsperrt. Öbbe im Johr 670 hai si zwei Söhn, dr Dagobert und dr Chilperich II. gha.

Läbe[ändere | Quälltäxt bearbeite]

Noch em Dod vom Pippinid Childebertus adoptivus im Johr 662 isch dr Childerich II. zum König im Oste vom Merowingerriich (Austrasie) erhobe worde; allerdings isch er under dr Vormundschaft vo sinere Dante und spötere Schwiigermueter Chimnechild, dr Witwe vom Sigibert III. und vom Huusmeier Wulfoald gstande. Dr Wächsel isch friidlig vor sich gange, die Grosse im Riich hai villicht s Ändi vom Intermezzo vo de Pippinide begrüesst. Uf jede Fall was nochäne bassiert isch, d Schänkige und Verfüegige si rächt eideutig gege d Pippinide und d Arnulfinger grichdet gsi.

Wo si Brueder Chlothar III., dr König vo Neustrie, 673 gstorben isch, het die neustrischi Opposition dr Childerich anstatt si Brueder Theuderich III., wo vom Huusmeier Ebroin usgruefe worden isch, noch Neustrie iiglade. Dr Childerich het sich duregsetzt, dr Ebroin und dr Theuderich si ins Chloster verbannt worde, und s Riich isch no einisch für e churzi Ziit au faktisch vom ene Merowinger gregiert worde.

Doch scho churz druf, im Herbst 675, isch dr Childerich s Opfer vom ene Mordkomplott worde, zsämme mit siner schwangere Frau und siim Sohn Dagobert. Dr Grund isch dr Striit zwüsche dr neustrische und dr austrasische Partei am Königshof gsi, wo dr König dr Adlig Bodilo ungrächt het lo schlo. Em Childerich si zweit Sohn, dr Chilperich, wo denn öbbe fümfi gsi isch, het me wie s denn gang und gäb gsi isch, in e Chloster gsteggt, won er as „Brueder Daniel“ bekannt gsi isch, bis er 715 vo Gegner vo de Arnulfinger usegholt und as Marionette uf e Merowingerdron gsetzt worden isch.

Dr Childerich isch, wie au si Frau und dr chlii Dagobert in St. Germain-des-Prés z Paris begrabe worde.

Literatur[ändere | Quälltäxt bearbeite]

  • Eugen Ewig: Die Merowinger und das Frankenreich. Kohlhammer, Stuttgart 2001, ISBN 3-17-017044-9.
  • Pierre Riché: Die Karolinger. Eine Familie formt Europa. Deutscher Taschenbuch Verlag GmbH & Co. KG, München 1991.
  • Rudolf Schieffer: Die Karolinger. 4. Auflage, Kohlhammer Urban, Stuttgart, 1992. ISBN 3-17-010759-3.
  • Reinhard Schneider: Königswahl und Königserhebung im Frühmittelalter. Anton Hirsemann, Stuttgart 1972.
  • Karl Ferdinand Werner: Die Ursprünge Frankreichs bis zum Jahr 1000. Deutscher Taschenbuch Verlag, München 1995.
  • Erich Zöllner: Geschichte der Franken bis zur Mitte des 6. Jahrhunderts. Verlag C. H. Beck, München 1970.

Weblingg[ändere | Quälltäxt bearbeite]


Information icon.svg Dä Artikel basiert uff ere fräie Übersetzig vum Artikel „Childerich_II.“ vu de dütsche Wikipedia.

E Liste vu de Autore un Versione isch do z finde.