Caterina Mona
D Caterina Mona (* 1973 z Züri) isch e Schwyzer Filmreschiseeri, Draibuechautori un Editori.
Lääbe[ändere | Quälltäxt bearbeite]
D Caterina Mona isch z Grüenige as Dochter vu Tessiner Eltere ufgwagse. Iri Mueter isch d Tiziana Mona, wu unter anderem fir s italienischsprochig Schwyzer Fäärnseh RSI gschafft het un wu dert 1969 as erschti Frau z Europa e Nochrichtesändig glaitet ghaa het.[1][2]
D Caterina Mona het aafangs änglischi Literatur an dr Uniwersitet Züri studiert un derno Filmschnitt un Script-Supervision (Continuity) am Institut National Supérieur des Arts du Spectacle INSAS z Brüssel.[3][1]
Si sich fir dr Schnitt vu verschidene lange Dokumäntar- un Spiilfilm verantwortli gsii, unter anderem Die Kinder vom Napf vu dr Alice Schmid, wu ellai in dr Schwyz iber 78’000 Kinobsuecher*ne ghaa het.[4] Si schafft au fir d Filmfeschtiwält vu Locarno, dert im Guest-Management un in dr Koordinazion vu Spezialprojäkt, un Berlin, dert im Prässebüro un in dr Koordinazion vu dr Filmkopie.[1]
Anne 2015 isc ire erscht Churzfilm uusechuu, wu si s Buech gschribe un d Reschy gfiert ghaa het: Persi (Lost). Dr Film isch im Wettbewärb Pardi di Domani am Festival Locarno urufgfiert wore.[5] Anne 2022 isch ire erscht lang Spiilfilm as Autori un Reschiseeri uusechuu, Semret, wu au zum Filmfeschtiwäl uf d Piazza Grande z Locarno yyglade woren isch.[6] Dr Film isch vu dr Tessiner Produzänti Michela Pini produziert wore, wu d Caterina Mona scho fir ire Churzfilm mit ere zämegschafft ghaa het.[7]
D Caterina Mona isch Mitgliid vum Stiftigsroot vu Suissimage un vu dr Fachjury vum Fachuusschuss „Film & Medienkunst beider Basel“, un isch 2021 Jurymitgliid vum Fokus Wettbewärb am Zurich Film Festival gsii.[8][9][10]
D Caterina Mona isch Mueter vu zwai Chinder (uf d Wält chuu 2007 un 2008). Si läbt mit ire Familie z Züri.[1]
Filmografy[ändere | Quälltäxt bearbeite]
(Quälle: [11])
As Editori[ändere | Quälltäxt bearbeite]
- 2005: Ricordare Anna
- 2008: Max Frisch, Citoyen
- 2010: Zwischen Himmel und Erde
- 2011: Die Kinder vom Napf
- 2012: Appassionata
- 2013: Mikrokosmos Gassenschau
- 2010: Daniel Schmid – Le chat qui pense
- 2014: ThuleTuvalu
- 2017: Autour de Luisa
- 2017: Cercando Camille
As Autori un Reschiseeri[ändere | Quälltäxt bearbeite]
- 2015: Persi
- 2022: Semret
Weblink[ändere | Quälltäxt bearbeite]
- Caterina Mona bi swissfilms.ch
- Caterina Mona in dr Internet Movie Database
- d Caterina Mona bi Filmdienst.de
Fueßnote[ändere | Quälltäxt bearbeite]
- ↑ 1,0 1,1 1,2 1,3 Kathrin Halter: Von Zürich über Eritrea nach Locarno. Cinebulletin, 21. Juli 2022, abgruefen am 1. August 2022.
- ↑ Die Tessiner TV-Ikone Tiziana Mona ist gestorben. Kleinreport, 8. April 2022, abgruefen am 1. August 2022.
- ↑ Caterina Mona. In: Swiss Films. Abgruefen am 10. Juli 2022.
- ↑ ProCinema: ProCinema: filmdb - Die Kinder vom napf. Abgruefen am 10. Juli 2022.
- ↑ Persi. Abgruefen am 10. Juli 2022 (italiänisch).
- ↑ Semret. Abgruefen am 10. Juli 2022 (änglisch).
- ↑ Nick Vivarelli, Nick Vivarelli: Germany’s Pluto Film to Sell Locarno Piazza Grande Drama ‘Semret,’ Unveils Trailer (EXCLUSIVE). In: Variety. 12. Juli 2022, abgruefen am 13. Juli 2022 (amerikanischs Änglisch).
- ↑ Suissimage: SUISSIMAGE: Stiftungsrat. Abgruefen am 10. Juli 2022 (de-DE).
- ↑ Film und Medienkunst. Abgruefen am 10. Juli 2022.
- ↑ Zurich Film Festival. Abgruefen am 13. Juli 2022.
- ↑ Caterina Mona. In: Swiss Films. Abgruefen am 10. Juli 2022.
|
Dä Artikel basiert uff ere fräie Übersetzig vu dere Version vum Artikel „Caterina_Mona“ vu de dütsche Wikipedia. E Liste vu de Autore un Versione isch do z finde. |