Burg Nejestei

Burg Nejestei
Burg Nejestei z Badewyyler Burg Nejestei z Badewyyler
Alternativnäme:	Burg Bade, Burg Badin, Burg Badewyyler
Entstehigsziit:	um 1080
Burgetyp:	Hecheburg
Erhaltigszuestand:	Bergfrid, Grundmuure
Ständischi Stellig:	Adligi, Herzeg
Ort:	Badewyyler
Geografischi Lag:	47° 48′ 9″ N, 7° 40′ 5,5″ O47.80257.6682436
Höchi:	436 m ü. NN
Burg Neuenstein (Baden-Württemberg) Burg Neuenstein

D Burg Nejestei, au Burg Bade, Burg Badin oder Burg Badewyyler gnännt, sich e Burgruine uf ere Hechi iber em Kurpark vu dr Stadt Badewyyler im Landchreis Bryysgau-Hochschwarzwald z Bade-Wirttebärg.

Gschicht

Anne 1122 isch d Burg s erscht Mol gnännt wore. Uusgrabige in dr Burg un uf em Burghigel hän aber zeigt, ass dr Higel scho vor 1122 bsidlet gsi isch. Fund belege, ass d Remer zum Schutz vu Aqua Villas e Kaschtell errichtet gha hän. Speter hän d Alemanne ne Hechburg böue go ihre Biet sichere. Die isch vu dr Franke ibernuu wore. Ab 1122 isch d Burg im Bsitz vu dr Herzeg vu Zährige gsi, si hän si zum Schutz vum Silberbärgböu brucht. Im Johr 1147 isch d Burg as Mitgift in dr Bsitz vu dr Welfe chuu. Dur e Dusch isch d Burg Bade 1157 an d Staufer, 1268 as Erb an d Grofe von Freiburg, 1303 dur Hochzyt an d Grofe von Straßberg chuu. Im 14. Johrhundert sin Ussebfestigunge aagleit wore wäg dr ständigen Strytereie mit dr Nochberherrschafte. Dur Erbschaft isch d Burg 1363 in dr Bsitz vum Firschtehuus Firschtebärg chuu, derno an d Grofe vu Fryybeg un e Zytlang au an d Habsburger. D Burg isch 1409 dur d Soldate vum Humbrecht von Neuenburg, em Firschtbischof vu Basel bschedigt un derno wider ufböue wore. Noch em Konzil vu Koschtanz isch si wider an d Grofe vu Fryybeg zruckchuu. Dur e Schänkig vum letschte Grof vu Fryybeg isch si anne 1444 an d Markgrofe vu Hachberg-Sausenberg chuu un 1503 an d Markgrofschaft Bade. Am 6. April 1678 isch d Burg im Holländische Chrieg vu dr franzesische Bsatzer unter em Marschall Crequi bim Abmarsch gsprängt wore. Dernbo isch si nimi wider ufböue wore. Bis dert isch d Burg dr Bsitz vu dr Burgvegt vu dr Burgvogtei Badewyyler gsi, derno hän die Burgvegt ihre Sitz uf Mille verleit.

Aalag

Go d Ruine vor em Verfall schitze un si turistisch erschließe isch si reschtauriert wore. Uf eme Bärgfrid isch hite ne Uussichtsplattform. Di vile hoche erhaltene Muure vu dr Ruuine ziege verschideni Ryym un dr Palas. Mer cha iber e gäche Wäg uf d Burgruine uffestyyge. An däm Wäg lang het s Muure, er fiert am Runddurm verbyy. Nord-Eschtlig dervu cha mer am Palas mit dr drej Unterdeilige no sähne, ass d Burg mehreri Steck gha het. D Forme vu dr Fänschter sin no erhalte.

Galerii

• 
  Badewyyler (1656)
• 
  Badewyyler mit dr Burg Bade um 1900
• 
  D Burgruine iber em Kurhuus
• 
  Blick uf Badewyyler
• 
  Blick vu dr Ruine
• 
  Palas vu inne
• 
  Innehof mit Birebaum
• 
  Vum Kurpark uus

Literatur

• Arthur Hauptmann: Burgen einst und jetzt. Burgen und Burgruinen in Südbaden und angrenzenden Gebieten. Verlag des Südkurier. Konstanz 1984. ISBN 3-87799-040-1
• Johannes Helm: Auf verwehten Spuren - ein Spaziergang durch das Kurbad von Badenweiler zu römischer Zeit - römische Badruine in Badenweiler - Schwitzbad - Quellheiligtum - Kaltwasserbecken. In: Hebelbund (Hrsg.): Die Markgrafschaft. Beiträge aus Geschichte, Kultur und Wirtschaft des Markgräflerlandes. Monatszeitschrirft des Hebelbundes. Jahrgang 1957. Heft 7. Müllheim 1957. S. 4-7
• Ehrenfried Kluckert: Burgen im Breisgau und im Markgräflerland. Donzelli-Kluckert, Bremgarten 2000. ISBN 3-933284-03-1
• Friedrich-Wilhelm Krahe: Burgen des deutschen Mittelalters. Grundriß-Lexikon. Bechtermünz, Augsburg 1996. ISBN 3-86047-219-4
• Max Miller, Gerhard Taddey: Handbuch der historischen Stätten Deutschlands. Band 6. Baden-Württemberg. Stuttgart 1965
• Heiko Wagner: Theiss-Burgenführer Oberrhein. 66 Burgen von Basel bis Karlsruhe. Theiss, Stuttgart 2003. ISBN 3-8062-1710-6

Weblink

 Commons: Burg Neuenstein – Sammlig vo Multimediadateie

• Burg Nejestei uf burgeninventar.de

Dä Artikel basiert uff ere fräie Übersetzig vu dere Version vum Artikel „Burg_Neuenstein_(Badenweiler)“ vu de dütsche Wikipedia. E Liste vu de Autore un Versione isch do z finde.