Brachsme

Systematik

Ordnig:	Charpfenartigi (Cypriniformes)
Familie:	Charpfefisch (Cyprinidae)
Underfamilie:	Leuciscinae
Gattig:	Brachsme (Abramis)
Art:	Brachsme

Wüsseschaftlige Name

Abramis brama

Linnaeus, 1758

Underart

Abramis brama bergi Grib & Vernidub, 1935
Abramis brama danubii Pavlov, 1956
Abramis brama orientalis Berg, 1949
Abramis brama sinegorensis Lukash, 1925

De Brachsme (Abramis brama; alemanischi Näme) isch e aapassigsfääige Süesswasserfisch und de Laitfisch vo de Brachsmeregion. Er gliicht a de Blicke, isch aber gröösser. Mengisch chunnts zu Chrüüzige mit em Rotaug.

Uussie

De Brachsme isch e silbriggraue braite Fisch, wo 50 bis 60 cm lang werd. Er het e chliine Chopf miteme chliine Muul, sini Afterflosse isch recht grooss.

Verbraitig

De Brachsme chunnt i Mitteleuropa, uf de Britische Insle, i Skandinavie und Osteuropa vor. Er lebt i warme, langsaame Flüüssgwässer mit eme schlammige Grund, wie Altloif, wo näärstoffriich sind, cha aber au i flache Standgwässer vorchoo und vertrait au Brackwasser.

Lebeswiis

De Brachsme fresst Insektelaarfe, Würmer, Schnegge und Muschle. Jungi Brachsme und Laarfe lebet vo Plankton. Im Winter bildet Brachsme groossi Schwärm wo inaktiv a tüüffe gschützte Stele uf de Früelig wartet.

D Laichzitt goot vom Mai bis in Juni, wenn d Wassertemperatur öber 15 Grad stiigt. S Wiibli lait abertuusigi vo Aier a flache biwachsne Stele und de Laich bliibt denn a de Wasserpflanze chlebe. Brachsme wered mit drüü oder vieri gschlechtsriiff und chönd 20 Joor alt were.

Büecher

Wilhelm Busch & Heinrich Kreymann: Brassen und Güster. 1993.
Erwin Fechner: Wachstum und Ernährung des Brachsen (Abramis brama) im Federsee. 1978.
Herbert Löffler: Zur Ökologie des Brachsen (Abramis brama (L.)) im Bodensee. Tübingen 1982.
Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7

Weblink

Commons: Brachsme – Sammlig vo Multimediadateie

Brachsen uf Fishbase.org (englisch)