Bonifatius I.

Us der alemannische Wikipedia, der freie Dialäkt-Enzyklopedy
Papst Bonifatius I. (Darstellig in dr Basilika Sankt Paul vor dr Muure)

Dr Bonifatius I. (lat. dr Wohltäter; † 4. Septämber 422 z Rom) isch vum 28.. Dezämber 418 bis zum 4. Septämber 422 Papscht vu dr kadolische Chilche z Rom gsii. Sy Vater het Jocundus oder Secundius ghaiße.

Lääbe[ändere | Quälltäxt bearbeite]

Dr Bonifatius, wu bi syre Wahl scho alt un chrank gsii isch, isch villicht in dr Zyt vum Pontifikat vum Damasus I. zum Presbyter gweit wore. Är isch zäme mit em Archidiakon Eulalius am 28. Dezämber 418 gwehlt wore; dr Bonifatius vu dr Presbyter un dr Eulalius vu dr Diakonebartei. Dr Eulalius isch aber im Merz/April 419 verbannt, un dr Bonifatius vum Chaiser Honorius zum rächtmäßige Papscht ernännt wore.

Ärr het versuecht, dr Chilchefride widerhärzstelle, un het Dekret vu sym Vorgänger Papscht Zosimus an dr Ortsbischef vu Gallie widerruefe. Aber au är het dr Appellationsstryt mit dr nordafrikanische Chilche nit chenne bylege.

Wu dr Chaiser Theodosius II. anne 421 Illyricum unter d Jurisdiktion vum Patriarch vu Konstantinopel gstellt het, het dr Bonifatius mit Hilf vum Chaiser Honorius gschaft, ass des zruggnuu woren isch. Mit sym Frynd Augustinus het er geg d Pelagianismus kämpft.

Di erscht (chaiserli) Papschtwahlornig, ass chimftig bi re nit aidytige oder zwyfelhafte Papschwahl e Neiwahl dur dr remisch Klerus het mieße stattfinde, isch aber ohni praktischi Bedytig blibe.

Sy kadolische Mahndag isch dr 25. Oktober.

Literatur[ändere | Quälltäxt bearbeite]

  • Friedrich Wilhelm Bautz: Bonifatius I. In: Biographisch-Bibliographisches Kirchenlexikon (BBKL). Band 1, Hamm 1975, Sp. 687–688.

Weblink[ändere | Quälltäxt bearbeite]

 Commons: Bonifatius I. – Sammlig vo Multimediadateie
VorgängerAmtNachfolger
ZosimusPapscht
418–422
Coelestin I.
Dä Artikel basiert uff ere fräie Übersetzig vu dere Version vum Artikel „Bonifatius_I.“ vu de dütsche Wikipedia. E Liste vu de Autore un Versione isch do z finde.