Blanca Busquets

Dialäkt: Mìlhüüserdiitsch

D’ Blanca Busquets ànna 2018.

D’ Blanca Busquets àm Sant Jordi 2018.

D’ Blanca Busquets i Oliu (* 20. März 1961 z’ Barcelona) ìsch a kàtàlànischa Schrìftschtällera, Draibüachschriwera un Schurnàlìscht.

ìhra Lawa

D’ Blanca Busquets i Oliu ìsch z’ Barcelona uf d’ Walt kumma, àwer stàmmt üss Cantonigròs ìm Nordoschta vu Kàtàlonia. Sa hàt jedoch bis ànna 1972 z’ Pamplona glabt, wo-n-ìhra Vater gschàfft hàt. Därt ìsch sa ìn a frànzeescha Schüala gànga; sa hàt àlso z’ärscht glarnt, uf Frànzeesch z’ schriiwa, un numma schpeeter uf Kàtàlànisch; sa hàt àui ààgfànga, d’ Müsik z’ larna. Dernoh ìsch sa ìn Kàtàlonia z’ruckkumma un hàt därt witter d’ Müsik gstudiart. Sa ìsch wahrend zehna Johra Mìtglìed gsìì vum Orquestra Joventut Percussionista de Catalunya. Sa hàt àui dr klàssischa Tànz glarnt un hàt àls Fräiweliga ìn'ma Kefig gschàfft. Ànna 1983 hàt sa àn dr Grìndung vum Internàzionàla Müsikfaschtschpeeler vu Cantonigròs mìtgmàcht.

D’ Busquets ìsch d’ Moderàtora gsìì vum Progràmm Hidrogen uf-em Canal 33, un wahrend sewana Johra d’ Uffsätzera vu d’ klàssischa Müsiksandung vu dr Televisió de Catalunya. Zitter 1986 ìsch sa Progràmmgschtàltera un Draibüachschriwera bi da Stàziona vu dr Catalunya Ràdio. Sa hàt àlso mìtgmàcht unterànderem àn da Sandunga Pànic (vu 1990 bis 1991), Inèdit (vu 1990 bis 1991), La nit dels ignorants (1996 bis 1997) un El fons de la qüestió (ànna 2008). Vu Zitt zu Zitt schribbt sa àui fìr d’ kàtàlànischa Webzittung Osona.com.

Üsserdam hàt d’ Busquets àn mehrera Vorschtällunga un Kumferanza dur d’ gànz Kàtàlonia mìtgmàcht, wia àui ìn àndra Schtädt vu Schpània, un z’ Alghero (Sàrdinia), z’ Moschkàui, z’ Leipzig, z’ Berlin un z’ Kràkaui. Ànna 2016 ìsch sa Mìtglìed gsìì vu dr kàtàlànischa Delegàtion àn dr Internàzionàla Büach-Üssschtällung vu Kràkau.

Sa hàt dr Llibreter-Priis 2011 gwunna fìr ìhra Büach La nevada del cucut, un dr internàzionàla Alghero Donna-Priis 2015 fìr d’ itàlienischa Ìwersätzung vun ìhrem Büach La casa del silenci.

ìhra veräffentligta Wark

• Presó de neu. Proa, Barcelona, 2003.
• El jersei. Rosa dels Vents, Barcelona, 2006.
  • uf Ditsch: Die Woll-Lust der Maria Dolors. Vu dr Ursula Bachhausen ìwersätzt. DTV, 2011, ISBN 978-3-423-24816-7.
• Tren a Puigcerdà. Rosa dels Vents, Barcelona, 2007.
• Vés a saber on és el cel. Rosa dels Vents, Barcelona, 2009.
  • uf Ditsch: Bis dass der Zufall uns vereint. Vu dr Ursula Bachhausen ìwersätzt. DTV, 2011, ISBN 978-3-423-24889-1.
• La nevada del cucut. Rosa dels Vents, Barcelona, 2010.
  • uf Itàlienisch: Lo ultima nieve di primavera. Vum Giuseppe Tavani ìwersätzt. Piemme, 2013. ISBN 978-8856626605
• La casa del silenci. Rosa dels Vents, Barcelona, 2013.
  • uf Frànzeesch: Un cœur en silence. Vu dr Catalina Salazar ìwersätzt. Editions de la Loupe, 2016, ISBN 978-2-84868-627-1
  • uf Itàlienisch: La vita in ogni respiro. Vum Giuseppe Tavani ìwersätzt. Piemme, 2014, ISBN 978-8856631449.
• Paraules a mitges. Rosa dels Vents, Barcelona, 2014.
  • uf Ditsch: In jener sternenklaren Nacht. Vu dr Ursula Bachhausen ìwersätzt. Bastei Lübbe, 2016. ISBN 978-3785725627
• Jardí a l'obaga. Proa, Barcelona, 2016
• La fugitiva. Proa, Barcelona, 2018
• El crit, 2019

Literàtür

• Blanca Busquets i Oliu. In: Gran Enciclopèdia Catalana. Grup Enciclopèdia Catalana, Barcelona (katalanisch, enciclopedia.cat [abgerufen am 20. März 2021]). 

Weblinks

 Commons: Blanca Busquets – Sammlig vo Multimediadateie

• Literatur vu un iber Blanca Busquets im Katalog vu dr Dütsche Nazionalbibliothek
• D’ Blanca Busquets i Oliu bi escriptors.cat (kàtàlànisch, schpànisch, anglisch)
• Ìn dr Blanca Busquets ìhra offiziella Websitta (kàtàlànisch)

Dä Artikel basiert uff ere fräie Übersetzig vu dere Version vum Artikel „Blanca_Busquets_i_Oliu“ vu de katalanische Wikipedia. E Liste vu de Autore un Versione isch do z finde.