Bettina Eichin

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Bettina Eichin (* 16. Januar 1942 z Bärn) isch e Schwizer Bildhauere.

Lääbe[ändere | Quälltäxt bearbeite]

D Skulptur "Helvetia auf der Reise" z Baasel

Vo 1960 bis 1964 isch si uf d Kunstgwärbeschuel Bärn gange. 1964 het si as erste Frau in dr Schwiz iiri Usbildig zur Stäimetzin fertig gmacht, drei Joor spööter het si as Stäibildhauere abgschlosse.

1964 het si ersti unabhängigi Aarbete uf Patmos gmacht: Figure us Lavagstäi. 1965 het si iiri ersti Äinzelusstellig z Bärn ghaa. Vo 1965 bis 1966 het si in dr Münsterbauhütte Bärn (Bärner Münster) gschafft bim Ernöiere vo de "schlaue und dumme Jungfraue" am Hauptportal vom Münster. Si het bim Kampf um dr gliich Loon für Fraue und Manne as ersts wiibligs Mitgliid vom Bau- und Holzarbäiterverband vo dr Schwiz mitgmacht.

1966 het si antiki Skulpture bi Usgraabige und in Museum uf Samos restauriert. 1967 het si dr ööstriichisch Archeolog Gerhard Hiesel ghürootet und Restaurierigsaarbäite bi dr Usgraabig im Kabirion bi Thebe gmacht. Vo 1967 bis 1977 si äigeni Aarbäite us griechischem Marmor, Tessiner Cristallinamarmor und spanischem Chalchstäi in Hamburg, Athen, Freiburg und Wildtal entstande, und z Tiryns het si bi Usgraabige Restaurierigsaarbäite gmacht. 1969 isch iir Soon Florian uf d Wölt choo.

Vo 1972 bis 1980 het si z Freiburg im Brisgau für e Bundesverband vo de bildende Künstlerinne und Künstler und für d Gwärkschaft Kunst im DGB gschafft. Si isch Vorsitzendi vo Südbaade gsi, Landesvorsitzendi vo Baade-Württebärg und Mitgliid vom Bundesvorstand im Iisatz für d Mitbestimmig vo de Künstlerinne und Künstler uf alle politische Ebene und zur Iirichdig vo Ateliee- und Künstlerhüüser in Künstlersälbstverwaltig.

1978 het si Ersti Briis bi de Wettbewärb "Middleri Rhiibrugg Baasel" (für d „Helvetia auf der Reise“) und "Fußgängerzone Freiburg im Breisgau" bechoo.

D Bettina Eichin schafft sit 1979 vor allem z Baasel.

Wärk und Eerige[ändere | Quälltäxt bearbeite]

Dr Verena-Brunne im Kurpark Zurzach
  • 1979 „Helvetia auf der Reise“, Baasel
  • 1982 „Schlafende Muse“, grossi Stilllääbe in Bronse
  • 1984 „Neun Musen“ für d Stadt Freiburg
  • 1986 – 1991 „Määrtdisch“, Stilllääbe in Bronse, im Chrüzgang vom Baasler Münster
  • 1988 Kulturbriis vom Dütsche Gwärkschaftsbund
  • 1990 Verena-Brunne im Kurpark Zurzach
  • 1992 Kulturbriis vom Schwizerische Gwärkschaftsbund
  • 1994 Brunne gege d Zollfreistrooss z Rieche
  • 1995 Brunne für e Matthias vo Nöijeburg, Nöijeburg am Rhii
  • 1997 „Mnemosyne“ Gmäinschaftsgrab uf em Friidhof Blöze z Brattele
  • 1997 – 2007 Menscherächtsdänggmol, Baasel
  • 2000 „Menscherächt 1776, 1789, 1791“, Bundeshuus Bärn
  • 2001 Muse II (Abformig) Schosshaldefriidhof, zur Erinnerig an d Eltere. Gschängg an d Stadt Bärn.
  • 2002 Erinnerig an dr Peter Ochs, Breedigerkiirche Baael
  • 2005 Gliichstelligsbriis vo Bäide Baasel, chläine Altar für s Gmeinschaftsgrab, Therwil

Weblingg[ändere | Quälltäxt bearbeite]

 Commons: Bettina Eichin – Sammlig vo Multimediadateie
Information icon.svg Dä Artikel basiert uff ere fräie Übersetzig vu dere Version vum Artikel „Bettina_Eichin“ vu de dütsche Wikipedia.

E Liste vu de Autore un Versione isch do z finde.