Bernd Murschel

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
dr Bernd Murschel 2013

Dr Bernd Murschel (* 24. Novämber 1956 z Leabärg) isch e dytsche Bolitiker (Bindnis 90/Di Griene). Syter anne 2006 isch er Abgordnete im Landdag vu Bade-Wirttebärg.

Uusbildig un Beruef[ändere | Quälltäxt bearbeite]

Dr Murschel het z Leabärg di Mittler Ryfi an dr Realschuel gmacht un derno ne Lehr zum Lacklaborant bi dr Firma Cetelon z Ditzenga. Noch eme Zivlidienscht in ere Behinderetenyyrichtig het er uf em zweete Bildigwääg s Abitur an dr Technische Oberschuel z Stuegert gmacht. An dr Universitet Hohene het er Agrarwisseschafte studiert un dert derno im Fachberych Bodephysik promoviert. Derno het er as Wisseschaftler im Sonderforschigsberych Umweltgerechte Nutzung von Agrarlandschaften an dr Universitet Stuegert gschafft. Syter anne 1995 schafft er as sälbschtständige Umwältberoter, är isch au staatlig anerkännte Beroter fir Ainzelbedribligi Managemäntsischtem in dr Landwirtschaft. Bis 2006 het er derzue ne Lehrufdrag an dr Hochschuel fir Wirtschaft un Umwält Nirdenga-Geislenga ghaa un vu 2006 bis 2010 isch er dert as Wisseschaftler aagstellt gsii.

Bolitischi Laufbahn[ändere | Quälltäxt bearbeite]

Dr Bernd Murschel isch syter anne 1986 Mitglid bi dr Griene. Vu 1989 bis 2014 isch er Gmaindsrot z Leabärg gsii un isch dert ab 2009 au Vorsitzer vu syre Fraktion. Im Stadtrot isch er Mitglid im Blanigsuusschuss gsii. Vu 2004 bis 2006 isch er Mitglid im Kraisdag vum Landkrais Beblenga gsii un dert Mitglid im Umwält- un Verchehrsuusschuss. Mitglied des Landtags von Baden-Württemberg ist er seit dem 11. April 2006.

Bi dr Landdagswahl z Bade-Wirttebärg 2006 isch er mit 12,6 % vu dr Stimmen iber s Zwaitmandat im Wahlkrais Leabärg in dr Landdag vu Bade-Wirttebärg gwehlt wore. Bi dr Landdagswahl 2011 isch er mit 24,5 vu dr Stimme widergwehlt wore. Im Landdag isch er Mitglid im Uusschuss fir Ländlige Ruum un Verbruucherschutz un im Uusschuss fir Umwält, Klima un Energywirtschaft, derzue stellverdrättend Mitglid im Uusschuss fir Finanzen un Wirtschaft, im Uusschuss fir Verchehr un Infrastruktur, im Uusschuss fir Wisseschaft un Forschig, im Uusschuss fir Kultus, Juged un Sport, im Petitionsuusschuss un im Europauusschuss. Är isch Sprächer vu syre Fraktion fir Klimaschutz, Ländlige Ruum un Demografy.

Anne 2009 het dr Murschel bi dr Wahl vum Oberburgermaischter vu Leabärg kandidiert. Är het 38,9 % vu dr Stimmen iberchuu, isch dodermit aber nit gwehlt wore.

Sunschtigs Engaschmänt[ändere | Quälltäxt bearbeite]

  • Mitglid im Kuratorium vum Zweckverband Flugfeld Böblingen/Sindelfingen
  • Mitglid im Netzwerk unabhängiger Umweltberater für Qualität und Umwelt
  • Gsellschafter bi dr Ingenieurgesellschaft regioplus Stuttgart
  • Mitglid im Obst-, Garten- und Weinbauverein Eltingen-Leonberg

Persenligs[ändere | Quälltäxt bearbeite]

Dr Bernd Murschel isch ghyrote un het e Dochter un e Suhn. Är isch evangelisch un läbt mit syre Familie z Leabärg.

Weblink[ändere | Quälltäxt bearbeite]

 Commons: Bernd Murschel – Sammlig vo Multimediadateie