Benjamin Netanjahu

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Benjamin Netanjahu, 2003

Dr Benjamin Netanjahu (hebräisch בנימין נתניהו, z Israel informell Bibi; * 21. Oktober 1949 z Tel Aviv) isch en israelische Politiker vom konservative Likud-Block. Er isch sit em Dezember 2005 dr Vorsitzend vom Likud.

Dr Netanjahu isch vom Mai 1996 bis zum Mai 1999 dr israelisch Ministerpräsident gsi. 1998 und in de Johr 2002 bis 2003 isch er Usseminister gsi. 2003 isch er zum Finanzminister ernennt worde, het aber s Amt Mitti 2005 us Protest gege d Siidligspolitik vo der Regierig vom Ariel Scharon niidergleit.

Mit der Wahl vo der 17. Knesset isch er im April 2006 as dr Vorsitzend vo dr grösste Oppositionspartei Oppositionsfüehrer worde. Er het brobiert dr Likud und die rächtsradikali Partei Jisra'el Beitenu z fusioniere, het vorgschlage e Notstandsregierig z bilde wägen dr Art, wie im Ehud Olmert si Regierig dr Libanonchrieg vo 2006 schlächt ghandlet het, und het dr Rückdritt vom amtierende Ministerpräsident Olmert verlangt. Bi de Wahle vom Februar 2009 zur 18. Knesset hai si Partei, dr Likud und Kadima under em Vorsitz vo dr Tzipi Livni öbbe gliich guet abgschnitte.

Am 31. März 2009 isch dr Netanjahu zum zweite Mol Ministerpräsident vo Israel worde. Im Netanjahu si Likud het in ere Koalition regiert, wo u.a. die nationalistisch Partei Jisra'el Beitenu vom Awigdor Lieberman, d Arbeitspartei vom Ehud Barak und die orthodoxi Shas-Partei drzueghört häi. S Kabinett het 30 Minister ghaa.

Am 22. Januar 2013 het im Netanjahu si Bardeiebündnis d Waale gwunne, und am 18. Merz 2013 isch dr Netanjahu wider Brömieeminister worde und het au s Ministerium für Diplomatii und Diaspora übernoo. Noch ere Regierigskriise im Novämber 2014 zwüschen em Likud und de liberale Bardeie het dr Netanjahu am 2. Dezämber si Finanzminister Yair Lapid und d Justizministerin Tzipi Livni entloo.

Bi de Nöiwaale im Merz 2015 isch dr Likud die sterksti Bardei in dr Knesset worde.

Weblink[ändere | Quälltäxt bearbeite]

 Allmänd (Commons): Benjamin Netanjahu – Sammlig vo witere Multimediadateie
Information icon.svg Dä Artikel basiert uff ere fräie Übersetzig vum Artikel „Benjamin_Netanjahu“ vu de dütsche Wikipedia.

E Liste vu de Autore un Versione isch do z finde.