Benedikt III.

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Benedikt III. († 17. April 858 z Rom) isch Papscht vu 855 bis 858 gsii.

Läbe[ändere | Quälltäxt bearbeite]

Bi dr Papschtwahl isch s zue Händel zwische dr Aahänger vu dr Kandidate chuu. Zerscht isch dr Benedikt vum Anastasius III., wu vu dr chaiserlige Bartei unterstitzt woren isch un hit as Gegepapscht gfiert wird, abgsetzt un yygchärchert wore. Wu aber dr Anastasius d Unterstitzig verlore het, isch dr Benedikt frei chuu un am 29. Septämber 855 gweit wore. As Papscht isch s em glunge, dr Yyfluss vum Papschtdum in dr Chilche z staigere. Dr Benedikt het si derfir yygsetzt, ass d Eh hailig blybt, un het gege dr Sitteverfall vum Adel un em hoche Klerus kämpft. Au het er gege d Absetzig vu Bischef dur Laie z Ängland proteschtiert. In dr Zyt vu sym Pontifikat sin d Spannige zwische dr remische un dr orthodoxe Chilche z Byzanz scherfer wore. Am 17. April 858 isch er z Rom gstorbe.

Benedikt III. un d Legänd um d Päpschti Johanna[ändere | Quälltäxt bearbeite]

S Pontifikat vum Benedikt III. wird vylmol im Zämehang mit dr Legänd vun ere Päpschti Johanna gnännt. No e baar umstrittene Theorie heeb die Päpschti zwische dr Pontifikat vum Leo IV. un em Benedikt III. amtiert. Dr Benedikt III. isch no allne aktuälle Papschtlischte dr offiziäll Noofolger vum Papscht Leo IV. gsii. S lige aber nume relativ wenig belaiti Informatione iber ihn vor. Aahänger vum dr Päpschtenelegänd vermuete wäge däm, ass dr Benedikt III. vu dr remisch-kadolische Chilche im 17. Johrhundert erfunde wore sei, go d Päpschti Johanna us dr Gschicht uuszlesche. Hite gehn di maischte Hischtoriker dervu uus, ass d Johanna-Gschicht aini vu dr im Mittelalter seli beliebte erfundene Legände iber d Chilche isch. E Indiz derfir isch, ass Päpschti Johanna erscht im 13. Johrhundert in dn Liber Pontificalis yydrait woren isch, no dr Vereffetlichung vu dr Chronik vum Martin vu Troppau, wu d Päpschti zum erschte Mol 1277 gnännt het, 400 Johr no ihrem aageblige Pontifikat. S git aber kai anderi friejeri Quälle, wie d These untermuure deete.

Literatur[ändere | Quälltäxt bearbeite]

  • Rudolf Schieffer: Benedikt III. In: Lexikon des Mittelalters (LexMA). Band 1, Artemis & Winkler, Münche/Züri 1980, ISBN 3-7608-8901-8, Sp. 1858.
  • Friedrich Wilhelm Bautz: Benedikt III. In: Biographisch-Bibliographisches Kirchenlexikon (BBKL). Band 1, Hamm 1975, Sp. 482.

Weblink[ändere | Quälltäxt bearbeite]

 Commons: Benedikt III. – Sammlig vo Multimediadateie
VorgängerAmtNachfolger
Leo IV.Papst
855–858
Nikolaus I.
Information icon.svg Dä Artikel basiert uff ere fräie Übersetzig vu dere Version vum Artikel „Benedikt_III.“ vu de dütsche Wikipedia. E Liste vu de Autore un Versione isch do z finde.