Basilius Amerbach dr Elter

Us der alemannische Wikipedia, der freie Dialäkt-Enzyklopedy
Dialäkt: Baseldütsch

Dr Baslius Amerbach dr Elter (* 28. Merz 1488 z Baasel, † 8. April 1535 z Baasel) isch e Baasler Buechdrucker gsi.

Lääbe[ändere | Quälltäxt bearbeite]

Dr Basilius Amerbach isch as dr Soon vom Druckheer Johann Amerbach am 28. Merz 1488 uf d Wält choo. Er het zämme mit sim Brueder Bruno z Schlettstadt im Elsass, z Baasel und z Baris en Usbildig gmacht. 1506 isch er z Bariis Magister Artium worde. Vo 1507 bis 1512 het er z Freiburg im Brisgau bim Ulrich Zasius Rächt studiert.

Er isch zrugg uf Baasel und het vo 1514 aa bim Drucker Johann Froben gschafft, wo d Offizin vo sim Vater überno het. Dr Basilius isch vil chrank gsi und het langi Zit mit dr Familie vo sim jüngere Brueder Bonifacius gläbt. Wo d Reformazioon z Baasel iigfüert worden isch, het er sich nid grad uuse welle drfür entschäide und isch vo 1531 aa e baar Mol us Baasel furt wääge däm.

Dr Basilius Amerbach isch am 8. April 1535 z Baasel gstorbe und in dr Graabkapälle vo dr Familie im ufghoobene Kartüüserkloster z Baasel begraabe worde.[1]

Kwelle[ändere | Quälltäxt bearbeite]

Lueg au[ändere | Quälltäxt bearbeite]

S Amerbachs.

Fuessnoote[ändere | Quälltäxt bearbeite]

  1. Beat R. Jenny: «Die Beziehungen der Familie Amerbach zur Basler Kartause und die Amerbachsche Grabkapelle daselbst», in Zeitschrift für schweizerische Archäologie und Kunstgeschichte, Band(Jahr): 58(2001) Heft 4, S. 272. Onläin: http://dx.doi.org/10.5169/seals-169630