Bruno Amerbach

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Dialäkt: Baseldütsch

Dr Bruno Amerbach (* 9.Dezämber 1484 z Baasel, † 22. Oktober 1519 z Baasel isch dr Soon vom Johann Amerbach und dr Anna Schabler gsi, dr Dochder vom Johann Schabler.

Dr Bruno het zämme mit sim Brueder Basilius z Schlettstadt im Elsass, z Baasel und schliesslig z Bariis en Usbildig gmacht. Dört isch er as Bummelstudänt ufgfalle, wo sich nid drum kümmeret het, zu welem Stand sini Fründ ghöört häi, und das het si Vater nid glücklig gmacht. Dr Bruno isch ooni Abschlüss uf Baasel zruggchoo, het aber gueti Sproochkenntniss ghaa. Er het im Offizin vom Vater afo schaffe. Dr Johannes Froben, wo vil bi de Amerbachs gsi isch, und au dr Erasmus vo Rotterdam häi sich mit em extrowertierte Bruno guet verstande.

Dr Bruno Amerbach isch am 22. Oktober 1519 an dr Pest gstorbe.

Kwelle[ändere | Quälltäxt bearbeite]

Beat von Scarpatetti: Amerbach, Bruno. In: Historisches Lexikon vo dr Schwiiz.