Badische IV d
| Badischi IV d | |
|---|---|
| Nummerierig: | 124...246 |
| Azahl: | 14 |
| Hersteller: | Maffei |
| Baujohr: | 1891 |
| Usmusterig: | 1923/1924 |
| Bauart: | 1'B1' n2t |
| Spurwiiti: | 1435 mm |
| Längi über Puffer: | 11.038 mm |
| Höchi: | 4150 mm |
| Leermasse: | 43,1 t |
| Dienstmasse: | 53,9 t |
| Riibigsmasse: | 27,4 t |
| Radsatzfahrmasse: | 13,7 t |
| Höchstgschwindigkeit: | 80 km/h |
| Kuppelraddurchmässer: | 1716 mm |
| Laufraddurchmässer: | 1109 mm |
| Steuerigsart: | Heusinger |
| Zylinderdurchmässer: | 457 mm |
| Cholbehub: | 610 mm |
| Chesselüberdruck: | 10 bar |
| Zahl vo de Heizrohr: | 174 |
| Heizrohrlengi: | 4400 mm |
| Rostflechi: | 1,75 m² |
| Strahligsheizflechi: | 7,37 m² |
| Rohrheizflechi: | 112,0 m² |
| Verdampfigsheizflechi: | 119,37 m² |
| Wasservorrot: | 6 m³ |
| Brennstoffvorrot: | 2,50 t Kollè |
| Brämse: | Westinghouse-Druckluftbremsè |
D Lokomotyvè vo dè Gattig IV d vo dè Großherzoglich Badischi Staatsysèbaanè sin Personèzug-Tenderlokomotyvè mit zwei kuppletè Achsè uss èm Johr 1891. Diè vo dè Dütschè Rychsbaan 1925 blaanti Umzeichnig i diè Baureihè 71.70 isch nimmi erfolgt, well diè Maschinnè inzwischè uusgmuschteret worrè sin.
Gschichtè
[ändere | Quälltäxt bearbeite]Diè Tenderlokomotyvè umgebautè Maschinnè vo dè Gattig IV b sin nit für dè Ysatz im lychtè Schnellzugdiènscht geignet gsi. Für dè Ysatz uff dè Schwarzwaldbaan hèt mo abber è Lokomotyv gsuècht, wo sötigi Züg übber d Gebirgsstreggi un diè aaschlièßendè ebenè Streggè beförderè hèt könnè. Für sellen Zwèck hèt d Maschinnè èn Zug vo 110 Tonnè uff rè Streggi mit 2 % Stygig noch mit 35 km/h ziè könnè söllè.
Diè vo Maffei gliferètè 14 Lokomotyvè hèn nit befridigt. Dè Bogèlauf vo dè Maschinnè isch schlècht gsi un bi höherè Gschwindigkeitè hèn si ungnüègendi Laufeigèschaftè bsässè. S sin deshalb keini witerè Lokomotyvè mee bschafft worrè un schu drei Johr spõter hèt mo si uff dè Schwarzwaldbaan durch d Faarzüüg vo dè Gattig IV e ersetzè könnè. Füüf Lokomotyvè sin no im vorläufigè Umzeichnigsblaan vo dè Dütschè Rychsbaan als 71 7001 bis 7005 enthaaltè gsi. È Umzeichnig isch nimmi erfolgt, well alli Lokomotyvè bis 1925 uusgmuschteret worrè sin.
Konschtruktivi Merkmōl
[ändere | Quälltäxt bearbeite]Diè Lokomotyvè vofüèget übber èn innèligendè Blechraamè. Dè Langkessèl hèt uss drei Schüss bschtandè. Uff èm hinterè isch èn großè Dampfdom un uff èm vorderè dè Reglerdom aabrocht gsi. Dè Stehkessèl isch düèf zwischè dè beidè Raamèwangè glägè. D Yschtrömroor zu dè Zilinder sin ußèligend gsi.
S ußèligendi Zweizilinder-Nassdampftrybwärk hèt uff di hinter Kuppelachs gwürkt. Diè Heusingerstüerig isch ußèligend gsi. D Kuppelräder sin durch unnèligendi Blattfèdèrè abgfederèt gsi. Diè Laufachsè sin als Adamsachs uusbildet gsi un hèn sich nõch beidè Sitè um 23 mm bewegè lõ. Als Rückschtellvorrichtig hèn Keilflächè diènt. D Blattfèdèrè hèn sich obberhalb vom Achslager befundè.
D Westinghouse-Druckluftbrèms hèt diè vordere Kuppelachs vo hinnè un diè hinteri Achs vo vornè brèmst. Dè Sandkaschtè hèt sich i dè Mitti vom Langkessèl befundè un hèt beidi Achsè vo vorn gsandet. Zu dè besserè Gwichtsvoteilig sin vir Wasserkäschtè aagebrocht worrè. Zwei hèn sich a dè beidè Sitè vom Langkessèl uff dè Höchi vom Dampfdom un zwei a dè Sitè vo dè Rauchkammer befundè. Dè Kollèvorrôt isch vor èm Füürerhuus beidsitig aagordnet gsi.
Literadur
[ändere | Quälltäxt bearbeite]- Hermann Lohr, Georg Thielmann: Lokomotiv-Archiv Baden. transpress, Berlin 1988, ISBN 3-344-00210-4.
|
Dä Artikel basiert uff ere fräie Übersetzig vum Artikel „Badische_IV_d“ vu de dütsche Wikipedia. E Liste vu de Autore un Versione isch do z finde. |