Badische IV c
| IV c | |
|---|---|
 | |
| Nummerierig: | 1 ... 393 |
| Azahl: | 59 |
| Hersteller: | MBG Karlsruè |
| Baujohr: | 1875 - 1887 |
| Usmusterig: | 1901 - 1925 |
| Bauart: | 1B n2 |
| Längi über Puffer: | 14.367 mm |
| Höchi: | 4.150 mm |
| Fest Radstand: | 2.300 mm, ab BJ 1879: 2.200 mm |
| Gsamtradstand: | 3.900 mm |
| Leermasse: | 31,80 t |
| Dienstmasse: | 35,50 t |
| Riibigsmasse: | 22,50 t |
| Radsatzfahrmasse: | 11,30 t |
| Höchstgschwindigkeit: | 70 km/h |
| Kuppelraddurchmässer: | 1.680 mm |
| Laufraddurchmässer vorne: | 1.080 mm |
| Steuerigsart: | Stephenson |
| Zylinderzahl: | 2 |
| Zylinderdurchmässer: | 435 mm |
| Cholbehub: | 610 mm |
| Chesselüberdruck: | 9,0 bar |
| Zahl vo de Heizrohr: | 198 |
| Heizrohrlengi: | 3.300 mm |
| Rostflechi: | 1,47 m² |
| Strahligsheizflechi: | 6,03 m² |
| Rohrheizflechi: | 86,27 m² |
| Verdampfigsheizflechi: | 92,30 m² |
| Lokbrämse: | Schruubèbrèms, spõter einigi mit Gegèdruckbrèms |
D Faarzüüg vo dè Gattig IV c vo dè Großherzoglich Badischè Staatsysèbaan sin Personèzug-Lokomotyvè.
Geschichtè
[ändere | Quälltäxt bearbeite]Im Raamè vo dè Beschaffig vo 1'B-Lokomotivè ab Aafang vo dè 1870er Johr, sin in total acht Liferseriè au d Loks vo dè Gattig IV c bezogè worrè. Diè Maschinnè sin vor allem uff dè Streggè mit stärkerem Gefälle im Schwarz- un im Oudèwald ygsetzt worrè. È baar vo dè Loks hèn deshalb è Riggèbach-Gegèdruckbrèms erhaaltè.
Konschtruktivi Merkmõl
[ändere | Quälltäxt bearbeite]D Loks hèn i dè Abmessungè witgehend dè Gattig IV b entsprochè. Vozichtet worrè isch allerdings uff dè Doppelraamè, wellè durch èn eifachè Blechraamè ersetzt worrè isch. Diè Lok hèt èn seer kurzè Radschtand un hèt dodemit scho è guèti Bogèläufigkeit ka. Trotzdèm hèt d Laufachs è Sitèschpyl vo 10 mm. D Rückschtellig isch übber gneigti Doppelflächè erfolgt. D Roschtflächi vo dè Füèrbüchs isch munzig uusgfallè, demmnõch isch d Dampferzügig nit befridigend gsi. Versùèch mit Rippèröörli hèn keini Vobesserigè brõcht. Dè grooß Dampfdom isch uff èm hinterè Kesselschuss gsässè.
Diè ußèligendi Nassdampf-Trybwärk hèn innèligendi Schièber bsessè. Dè Aatryb isch uff diè erschti Kuppelachs erfolgt. D Räder sin mit obbèligendè Blattfèdèrè abgfèdèrèt, diè durch èn Uusglychshebèl zwischè dè Kuppelräder vobundè gsi isch.
D Faarzüüg sin mit Schlepptender vo dè Bauartè 2 T 8 odder 2 T 6,67 uusgschtattet gsi. E baar Lokomotyvè sin mit auf èm Tender befindlichè Rückwärtsfüürerhüser uusgschtattet gsi. So hèn si au uff Streggè ohni Drèèschybè ygsetzt wòrrè könnè.
Literadur
[ändere | Quälltäxt bearbeite]- Hermann Lohr, Georg Thielmann: Lokomotiv-Archiv Baden. transpress u. a., Berlin 1988, ISBN 3-344-00210-4. (= Eisenbahn-Fahrzeug-Archiv 2, 7)
|
Dä Artikel basiert uff ere fräie Übersetzig vu dere Version vum Artikel „Badische_IV_c“ vu de dütsche Wikipedia. E Liste vu de Autore un Versione isch do z finde. |