Badefahrt

Umzug am erschte Sunntig vu dr Badefahrt 2007

D Badefahrt isch e meedägig Volksfescht z Baden in dr Schwyz.

Si wird in dr Regle nume all zee Johr organisiert, isch aber mit bis zue aire Million Bsuecher ais vu dr greschte Fescht vu dr Schwyz un s mit Abstand grescht im Kanton Aargau. D elft Uusgab vu dr Badefahrt het in dr zee Däg vum Frytag, 17. Augschte bis zum Sunntig, 26. Augschte 2007 stattgfunde un isch unter em Motto «Welt statt Baden» gstande. Ab un zue git s fimf Johr vor bzw. noch ere Badefahrt e Stadtfescht, wu im Volksmund «chlini Badefahrt» gnännt wird. Zem Byschpel het s anne 2012 vum 17. bis zum 26. Augschte ne Stadtfescht unter em Motto «Geschichte schichten» gee, wu au an d Schlyssig vum Schloss Stein 300 Johr vorhär gmahnt het. Di negscht Badefahrt findet vum 18. bis zum 27. Augschte 2017 statt.

S Fescht

S Fescht findet in dr ganze Altstadt statt, au um dr Bahnhof ume. Wichtig sin di rund 110 „Feschtbäize“: Reschtaurant, Bar un anderi Attraktione, wu zum große Dail vu Verain us dr Region organisiert un bedribe wäre. Doderby wäre us aifache Bierzält fantsyvolli Kreatione. Fir "Welt statt Baden" 2007 sin unter anderem e Moulin Rouge, e French Quarter, e griechische Tämpel, e Bambustämpel, e Sing Sing un e Chloschterwirtschaft ufgstellt wore.

Derzue git s e Hufe kulturälli Veraastaltige, wie z. B. Theateruffierige oder Openair-Kunzärt mit Band un Musiker. Hegschtpinkt vum Fescht sin d Umzig, wu an dr beede Feschtsunntig durgfiert wäre, wu si alli Verain bresäntiere, wu bi dr Badefahrt derby sin, un s groß Fyyrwärch iber dr Ruine Stäi.

Chronology

Großi Badefahrte

Johr	Datum	Motto
1923	22.–30. Septämber	«Der Europäische Friedenskongress»
1937	7.–15. Augschte	«Im Wandel der Zeiten»
1947	9.–20. Augschte	«Tragen, Schleppen, Fahren»
1957	uusgfalle
1967	11.–20. Augschte	«Räder machen Leute»
1977	12.–21. Augschte	«Wasser»
1987	14.–23. Augschte	«Bade fahrt ab»
1997	15.–24. Augschte	«La Badenfahrt»
2007	17.–26. Augschte	«Welt statt Baden»
2017	18.–27. Augschte	«Versus»
2023	18.–27. Augschte	«Neo-»

Chlini Badefahrte

Johr	Datum	Motto
1972	11.–20. Augschte	«125 Jahre Spanisch-Brötli-Bahn»
1982	13.–22. Augschte	«Illusionen»
1991	23. Augschte bis 1. Septämber	«Swiss made»
2012	17.–26. Augschte	«Geschichte schichten»

Lueg au

• d Lischte vo de läbige Tradizioone vo dr Schwiiz

Literatur

• David Hess [der Jüngere], Alex Spichale (Illustrator): Badenfahrt. Das Buch dazu. Baden-Verlag, Baden AG [o. J.].
• Roman Huber: Darum fährt man nach Baden. In: Welt statt Baden (Festzeitschrift der Badenfahrt 2007).

Weblink

 Commons: Badenfahrt – Sammlig vo Multimediadateie

• Websyte vu dr Badefahrt

Fueßnote

Dä Artikel basiert uff ere fräie Übersetzig vu dere Version vum Artikel „Badenfahrt“ vu de dütsche Wikipedia. E Liste vu de Autore un Versione isch do z finde.