Asgard

Us der alemannische Wikipedia, der freie Dialäkt-Enzyklopedy
Hops zue: Navigation, Suech
d Valhall, de grööst Bau z Asgard

Asgard (altnord. Ásgarðr) isch i de nordische Mythologii de Wonort vom Göttergeschlecht vo de Ase. S isch umgee vonere Muur, wone Riis baut hett und sbistoot us merere Götterwonige. Verbunde isches mit Midgard, wo d Mentsche wonid, dör d Regebogebrugg Bifröst.

Z Asgard isch s Idafeld, wo sich d Götter versammlet und birootet. De grööst Bau isch d Walhall, wo de Odin und di gfallne Chrieger, d Einherjar, sich treffed und mitenand fiiret und sich för de Weltundergang rüstet. S Haimetli vom Thor haisst Thrudwang und siin Palast Bilskirnir. Witteri wichtigi Wonige sind Fensalir vo de Göttin Frigg, Folkvang vo de Freyja, Breidablik vom Gott Baldr und Himinbjörg vom Heimdall.