Arsinoë

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Arsinoë (altgriechἈρσινόη) isch i de griechische Mythologii d Töchter vom Leukippos und d Schwöster vo de Leukippide Hilaeira und Phoibe, wo vo de Dioskure entfüert wore sind. D Arsinoë isch noch de messenische Saag e Gliebti vom Apollon gsii und dör de d Muetter vom Asklepios und vo de Eriopis.[1] Da isch da, wo d Messenier globt hend, sös het nemmli d Koronis as Muetter vom Asklepios ggolte.

D Arsinoë hett z Sparta e Hailigtum ghaa und uf de Agora vo Messene isch e Brunne gflosse, wo Arsinoë ghaisse hett.

Quelle[ändere | Quälltäxt bearbeite]

Noowiis[ändere | Quälltäxt bearbeite]

  1. Hesiod, fr. 50; Apollodor 3,117f.; Pausanias 2,26,7; 4,3,2

Literatur[ändere | Quälltäxt bearbeite]

  • Fritz Graf: Arsinoë. In: Der Neue Pauly (DNP). Band 2, Metzler, Stuttgart 1997, ISBN 3-476-01472-X, Sp. 37.