Koronis (Mutter des Asklepios)

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

D Koronis (altgriechΚορωνίς) isch i de griechische Mythologii e Gliebti vom Apollon und d Muetter vom Asklepios und d Töchter vom Phlegyas emene Soo vom Ares.

Noch de Saag vo Epidauros, wo de wichtigst Tempel vom Asklepios gstanden isch, isch di schwangeri Koronis mit erem Vatter uf Epidauros choo, wo si ufem Berg Myrtion haimlich de Asklepios uf d Welt broocht hett. S Büebli, wo ufere Waid uusgsetzt woren isch, isch denn vo Gaisse uufzoge wore. Wo de Hirt Aresthanes da Büebli gfunde hett, isch er verchlöpft, well Fungge usem Liib vom Büebli gschosse sind, und wel er sich gförcht hett, ischer devoogrennt.

Nochere tragischere Version het d Koronis, nochdem sii vom Apollon schwanger woren isch, sich in Ischys verliebt und mit ono Sex ghaa. E Chraie (altgriechkorone) hett da em Apollon verzellt. De hett denn mit siim Pfiil de Ischys töödt und d Artemis hett d Koronis töödt. D Chraie wo doozmool no schneewiiss gsii sind, sind sitt den cholerabeschwarz. Wo d Koronis ufem Schitterhuuffe glegen isch, het de Apollon de Asklepios usem Buuch vo de Koronis grettet und em hailchundige Kentaur Cheiron zom uufzüche ggee.

Literatur[ändere | Quälltäxt bearbeite]

  • Katharina Waldner: Koronis. In: Der Neue Pauly (DNP). Band 6, Metzler, Stuttgart 1999, ISBN 3-476-01476-2, Sp. 757–758.